北非突尼西亞探索之旅の第三天

伊利捷競技場 -> 杰爾巴島

離開酒店前，影影酒店外的沙灘，正！





，去世界文化遺產伊利捷競技場，呢個係古羅馬時期嘅建築，比起羅馬鬥獸場更完整。我同老婆見到，仲以為去左羅馬添，加埋天晴的日子，點影相都好靚！

到此一遊的相片。

入到裡面，覺得好震撼，因為知道保存得算完整，感嘆當時既人點樣興建？

要由地面行到上頂部，好辛苦，我老婆仲喘哂氣添！不過，上到頂望落去真係好正，因為響上面望落去的感覺很不同，好有氣勢，仲可以望到遠處的道路同建築物，響上面見到D人特別細！

很有美感的角度呢！



落番地面，見到有個團友，響個廁所前面「裝裝下」，原來佢響度「度位」影相，我見佢咁「Pro」，咪學佢在同一角度影，得出下面張相，我都覺得影得唔錯！哈哈！

逗留約2小時後，我地要經斯發克斯趕路程去杰爾巴島。坐左約3小時後，原來要乘渡海輪先去到！我地就係乘搭呢種汽車渡輪，連人帶車運過對岸。船程約20分鐘，但對我哋呢D香港人講，邊有機會搭汽車渡輪吖！感覺好新鮮！

渡輪上的情況.....

過左對岸，開車到杰爾巴島的酒店休息。我同老婆見酒店出面又有海灘，好！又出去浪漫一下，行下沙灘先！

返酒店食晚飯時，仲響酒店花園見到個月亮升起，都幾靚！