北非突尼西亞探索之旅の第四天

瑪特瑪它 -> 杜茲 -> 撒哈拉沙漠 -> 吉利特鹽湖 -> 吐澤

今天要去的景點特別多，所以一大清早便要起床，嗚嗚！影下酒店先！





我地今早先去瑪特瑪它 --- 突尼西亞柏柏爾人的集中地。佢地在山石中挖掘洞穴而居住，屋外白色的油上色，很特別！

屋外的地面凹凸不平，感覺蒼涼。難怪星球大戰亦曾經在此取景，真犀利！

然後參觀柏柏爾人在洞穴的生活情況。









估唔到佢地會在屋外售賣紀念品：蝎子標本！嚇死我老婆！

跟住就係我老婆最想去的地方：撒哈拉沙漠入口---杜茲。其實我老婆參加呢個突尼西亞旅行團，最主要都係想去撒哈拉沙漠！落車之後，見到一大班「囇駱駝」歡迎我地，我老婆開心都不得了！

快快換上沙漠服飾，騎駱駝，向沙漠出發！

浩浩蕩蕩出發了！

響一望無際的撒哈拉沙漠，顯得人的渺小！

終於來到撒哈拉沙漠了！



短短20分鐘的騎駱駝時間結束，我老婆覺得有D失望，因為只係去到撒哈拉沙漠的邊邊位置，唔可以深入中部，覺得有D可惜！唯有睇住D「囇駱駝」瞓覺啦！

騎完駱駝，我地的旅遊巴經過一個叫吉利特鹽湖的地方，導遊話有機會見到「海市蜃樓」，但當日我地好好彩，刮大風加落雨！

乜都睇唔到；仲有，個「鹽湖」剩係得番「一潭死水」，剩下小小的塘，好失望！

但係，唔知點解，D團友仲係好興奮咁，係咁影係咁影，都唔知有乜好影！

我就影下D「鹽湖」中的「鹽」囉！都幾「核突」！

仲有，無意中俾我發現個路牌，話仲有150公里就到達鄰國阿爾及利亞！

導遊話增加兩個景點，去到吐澤參觀一個果園(咁梗係要自費啦！)難得到達，全團人都入去！我地先要坐馬車入園......

然後聽導遊講解園內的植物生長情況。園內有好多植物，最多是高高的椰棗樹。

但響園中竟然俾我老婆發現一種令我地好驚喜的植物，因為第一次見：無花果樹！

之後，我地參觀果園旁的動物園，有好多「奇珍異獸」，例如：

仲有，識飲可樂的駱駝！

仲有仲有，有毒的蝎子同響尾蛇！嚇到我同老婆退後幾步先敢影相！

參觀了很多景點，終於返回在吐澤的酒店。酒店富亞拉伯風味，特別影了幾張相片：

好累，食飽晚飯，快快瞓覺！因為聽朝很早起床！有很正的景點！