北非突尼西亞探索之旅の第六天

開羅安清真寺 -> 蘇斯 -> 舊城區市集 -> 哈瑪麥德

昨天忘記了影酒店的情況，好，今早起床後，立即補拍照片！這是酒店房間的情況，突尼西亞人好喜歡用亮麗既磚來造出各種Pattern，另外梳妝枱也好古典！

酒店的內部竟然有泳池，估唔到響酒店以前係監獄來的！

好！食過早餐，繼續出發！今日行程不多，先去開羅安著名的世界文化遺產清真寺。今天天色很好，影乜都靚！呢個係清真寺既外貌

清真寺的走廊有好多石柱，每條石柱上都有好多花紋，反映出當時建造清真寺時的嚴謹同精細！

寺內的廣場很大，又有好多旅行團參觀，幾經辛苦，終於影到無人遮擋既整個廣場！

清真寺的內部。







響清真寺附近有一張Poster，導遊話叫我地影低呢張相，佢話呢個係突尼西亞的國徽，響市面比較難搵到，只在政府建築物先搵到！好，既然係導遊誠意推介，影低佢先！

離開清真寺，附近有D突尼西亞人，帶埋隻駱駝做生意，俾遊客騎駱駝，有兩團友有興趣騎，但騎完之後就話笨，因為都幾貴，時間又短！

行程會轉往蘇斯，突尼西亞第三大城市。入蘇斯前，看到往蘇斯的路牌，係用阿拉伯文及英文寫成的。其實，未到突尼西亞前，都不知當地的文化，原來呢個係阿拉伯世界，受阿拉伯文化及宗教影響。

未入蘇斯參觀前，突然心血來潮，想影低突尼西亞的貨幣。上面係10元，下面係20元，第二張相片係紙幣的背面，其中既圖案有無D似曾相識的感覺呢？

到了舊城區的市集，市集比我想像中的乾淨，人亦唔算太多

市集中有好多攤檔售賣阿拉伯著名的香料，一盆一盆的放在攤檔上，路人行過都會嗅到好濃烈的氣味

其中經過一間售賣地氈的店舖，佢地會將大大塊的地氈放響門口，等遊客或者當地人知道佢地售賣地氈的款式，都好特別！

當地有好多生果出產，其中較多係橙及柑，我地就無試食，但有團友話並不是太甜！

沿途有好多售賣小飾物及紀念品的店舖，我地隨意地左幾間，有售賣玻璃的，包括玻璃水煙斗、玻璃香薰坐、玻璃香水樽等，顏色多數以藍及綠為主

店舖中亦有很多磁器出售，其中的碗碟，多以阿拉伯常見的花紋，非常Colourful，好吸引我地購買！

仲有，有一D磁磚刻上唔同的數字，當地人好鍾意用呢種磁磚，舖響門口作門牌使用，響香港一定找不到！很有特色！

另外，各式各樣的圖案磁磚，好有特色，我地都忍唔住，買左一塊做紀念！

好，咁多戰利品，番哈瑪麥德的酒店休息下，明天繼續！