小MiuMo遊世界: 北非突尼西亞探索之旅の第七天

加利比亞 -> 蓋赫庫阿勒 -> 哈瑪麥德

今日出發時，天色陰暗，我老婆已叫我帶備雨傘，隨時Stand-By，開車時都還可以，到達第一個目的地，非常大風，心知不妙，我同老婆已經盡快到室內避一避，因為應該好快落大雨！
目的地係加利比亞，有花園半島之稱，我地響碼頭附近停車，快速影完兩三張相。

看到遠處山上有一坐城堡，好Grand，但導遊話城堡係私人擁有，唔開放給公眾，好，再快速影兩三張相！嘩！說時遲，那時快，立即下大雨！閃！

到一間店舖避雨，見無聊呆等，又聞到咖啡香，決定一試！突尼西亞人都受歐洲人影響，都喜歡飲咖啡，亦很講究，見到個突尼西亞男子，好細心及專心製作一杯香濃咖啡，好！來一杯 Espresso 試試！當佢專心弄製時，我當然唔放過影相機會，佢一見我影佢，立即「定鏡」任我影，好專業！細細杯 Espresso ，很香很濃，亦帶有製作者的心機！好深印象！

嘩，走喇！導遊急Call，好在老婆叫的帶定雨傘，錫哂佢！

然後，往蓋赫庫阿勒進發，導遊形容係一個古城，古城建築比羅馬時代還要早，古城亦能反映當年迦大基人的奢華。嘩，好似好Grand，滿心期待，點知......

看到的是：

搵笨！完全與幻想唔同！仲以為同自費景照斯貝特拉有得Fight，我同老婆得出一個結論：再一次證明「平野無好」既定律係對！

影呢幾張相的時候，好多團友都唔落車，包括我老婆，原因好簡單，因為大雨！我同幾個「有心人」忽忽落車，大部份都唔帶雨傘，我就例外，一定要帶埋老婆把「愛心雨傘」！影左十幾張相，見勢色不妙，立即上車，我已經濕得好少，遲我一兩分鐘上車的團友，全身濕透！

上車後，路經山邊，還處看到風力發電的設施及風車，忽忽下車影兩三張相，狼狽上車，當時情況真真惡劣！