北非突尼西亞探索之旅の第一天

多哈 -> 突尼西亞突尼斯機場 -> 迦太基帝國遺址 -> 西迪布賽伊德

今次係我同老婆第一次去非洲，非洲一向給我們的感覺係好落後、好唔乾淨，所以我地去之前都有D擔心！

出發喇！我同老婆先要於3月20日晚10時半在機場集合，再乘搭3月21日零晨12時45分的卡塔爾航空公司航班，即係成日無覺好瞓啦！搭左9個半鐘頭後，終於到喇........中轉站......多哈！在多哈要等成3個鐘頭，除了瞓一陣之外，還有影下相，都影到多哈亞運既紀念塔，算做有D交代啦！

再坐多6個半鐘頭飛機，終於到達突尼西亞首都突尼斯機場！正！

突尼西亞比香港慢7小時，但我同老婆都能適應時差，感恩！我同老婆對突尼西亞的第一印象，又唔係咁差，都幾乾淨，起碼唔會成地垃圾，仲幾好陽光，又唔係好熱，幾舒服！

之後，我地乘旅遊巴到達一個碼頭，導遊話先俾我地影幅相，嘩！落車後，我同老婆仲以為去左歐洲！好靚！

上車喇！仲要被導遊趕上車添！然後，我地去到一個叫迦太基帝國既遺址，係以前突尼西亞既發源地，仲係史上兵家必爭之地添！

響附近有D攤檔售賣紀念品，其中響突尼西亞最出名既係馬賽克，即係由D好細既磚仔或者石仔堆積成不同的圖案，好靚！

響我地去另一景點時，見到兩個突尼西亞的小女孩，坐響馬路邊，佢地好似唔驚陌生人咁，我地成班香港人就對住佢地係咁影、係咁影，我同我老婆當然唔執輸，都影下佢地咁Cute既樣！

導遊帶我地去左一個叫西迪布賽伊德既地方，佢話我地到達之後，一定唔覺得去左突尼西亞，好似去左另一個國家咁！係咪咁勁呀！唔信！

當我地行下行下，發現身邊嘅建築物，全部都係藍色同白色，我地唔跟大隊，自己走入小巷，發現以下的景色：

嘩！有無眼花！我同老婆仲以為去左希臘，好Romantic，個天好藍，好靚！附近的小商店都係咁既顏色，好調和，好舒服，好正！

導遊話，之後我地仲有驚喜！唔係啩，仲有？！

嘩！呢度係咪真係突尼西亞來的？點解好似去左希臘D小島咁樣？

呢間係餐廳，但係唔開放給公眾人士參觀，我同老婆幾經波折，先至入到去影兩幅相，都好靚，真係好似希臘！

我同老婆走之前，響當地最著名既景點影相，真係好多人！

好喇！朝早無覺好瞓，早D番位於首都突尼斯的酒店，我地好感恩，因為導遊話我地間房係最正嘅！因為響房望出外係這樣的：

房張床有6尺闊，直望就係露台，露台出面就係地中海！嘩！超級感恩，感謝神！

好好瞓番覺先！