北海道冬季浪漫之旅の第五天

札幌 -> 狸小路 -> 札幌雪祭 -> 札幌電視塔

連續幾晚都有溫泉浸，感恩！今早天氣好好，睇下個天幾藍！

好，最後一日喇！要返札幌行下先得！第一站一定係狸小路，北海道的購物熱點！導遊推介我地，一定要響日本藥品，因為日本國內買d藥同出口外國的唔同，本土的藥成份唔同，效果好好多！佢仲介紹左兩隻感冒藥，話好有效的！叫做Paburon「帕不隆」同ShinLuLu「新露露」！我地食過都推介！

狸小路當然有好多「北海道限定」的物品啦！當然唔少得Hello Kitty啦！

行下行下，我地好想自己去睇札幌雪祭，就膽粗粗、無地圖的情況下，離開團友(包括外父外母佢地四個！)走左去睇雪祭！嘩！終於俾我地搵到，雪祭仲未開始，只係預備中，但都好震撼，因為真係好靚！

睇下幾靚！

成個冰雕，成個建築物咁大，好grand！

正當採排開幕儀式！又影！

好得意的冰雕啤酒杯！

雖然我地睇左十幾分鐘，但都收穫豐富，影左好多相添！

最重要的係，我地見到札幌電視塔，呢個行程亦係唔包的！冬天的札幌電視塔都好靚！

好，離開札幌，要去食午飯，呢處就係食飯的地方，亦係最「豪」的地方，因為...

我地order左 A5 級日本和牛！有口福了！

仲有靚靚鮑魚添！Yummy！

食飽飽！出外行下！準備離開北海道了！睇到出面的小屋子，兩邊鋪滿雪，樹上亦有小小積雪，好冬日的畫面，好浪漫的感覺！

唔知點解，我同老婆都好鍾意日本的街道，覺得好乾淨，d屋好特色，d空氣都清新d！

好喇！要走了！我地坐國泰CX2583，於18:20起飛返香港！我地六個都好唔捨得離開；外父同外母仲話，有機會響農曆新年要一齊再來日本一次添！

我同老婆都話：下次再來北海道，一定要係夏天，仲要係自駕遊！唔駛俾人地影響行程，鍾意去邊就去邊！好，返香港嗱嗱聲操熟駕車，計劃下次的日本自駕遊先！