絲綢之路體驗行の第六天

酒泉 -> 張掖大佛寺 -> 木塔 -> 武威雷台漢墓 -> 文廟

今日的行程要由酒泉去武威，都幾遠！開車無幾耐就見到公路旁的雪山，我地問導遊可唔可以落車影幾張相，佢話ok！好野！

咁難得，又影！

好，連續幾個小時見到的都係戈壁，一個字 --- 悶！

終於響中午時份到達張掖，食埋午飯，去參觀張掖的大佛寺。

大佛寺的壁畫。

寺內唔算多人，我地又「離群」到周圍行下．．．

因為我地無聽講解，所以只係隨便影影相。

行完大佛寺，接著去附近的木塔。木塔高九層，我地只可響外圍影影相！

木塔附近的廣場。

真係行左一陣，又要上車繼續行程。沿途當然又係一樣的景色啦！

下午七點半，到達武威的雷台漢墓，在門外的廣場迎接的係一大隊銅馬、銅車及銅俑，仲有最著名的馬踏飛燕！

睇下幾工整！

廣場一景。

到達雷台漢墓。

墓室一景。

呢個古井唔知點解有咁多人掉錢落去呢？唔係響呢處「許願」掛？！

行完一號漢墓，我地無再行二號漢墓，出廣場影影相先！

我地以為今日行程已完成，點知原來仲有一個景點未行！嘩！快d啦！好肚餓呀！過了半個小時，到達今天最後的景點 --- 文廟。文廟中有好多橫匾，係集唔同時期文人的作品。

因為已經天黑，又夜又餓，大家都快快影完相就算喇！臨走前影影門口的孔子像。

真係好肚餓呀！今晚食武威特色的沙米粉，我地覺得同一般的米粉無乜分別囉！