絲綢之路體驗行の第五天

敦煌 -> 嘉峪關 -> 夜光杯廠 -> 酒泉公園 -> 酒泉

尋晚好好訓，唔知同間酒店太「特色」有關嗎？

上午七點已經起床，上了天台看看周圍的景色，鳴沙山的清晨真係好凍的！天都未光哂、月亮都未走呀！

間酒店似唔似古代的城堡呢？！

我地覺得好似返左戰國時代咁，好得意！

呢張係古代絲綢之路路線圖，都幾珍貴的！

食過早餐，又出發！今日景點唔多，但行程都算遠，由敦煌去酒泉，導遊話要坐好耐車呀！我地沿途的一個景點係戈壁，根據導遊同我老婆的解釋，沙漠在當地來講叫「戈壁」，所以以前讀書成日教「戈壁沙漠」係錯誤的，因為不會叫沙漠沙漠架麻...！

至於戈壁的地貌係點，睇下下面幾張相就清楚喇！我地連續幾個鐘頭都係見到呢d景況！

食飽午飯，再繼續搭車，到下午四點左右，才到達今日的第一景點 --- 嘉峪關。嘉峪關係萬里長城西面出口的重關來的！我就好興奮喇，因為我第一次去長城的！我老婆細細個就去過北京，已經登過長城，做左「好漢」，而我今次先登長城！梗係興奮啦！仲有仲有，我估登長城的絕大部分都係先登北京的八達嶺或者山海關，而我可以好「特別」地同人講：我係先登甘肅的嘉峪關！幾威！

一到達嘉峪關，就見到城樓上的「天下雄關」橫匾，呢個角度睇，幾有氣勢！

嘉峪關的簡介。我唔再介紹喇！

梗係要影張相留個紀念啦！

嘉峪關附近的情況。

進入城門後，見到的同預期的有d唔同。起初我以為嘉峪關係好荒蕪的，原來唔係！

原來城門、城樓同長城都保存得好好！

我覺得嘉峪關真係「天下第一雄關」！好宏偉呀！

又影張相紀念先！

經過幾千年，城樓仍然屹立．．．

城牆內的建築物．．．

我就好鍾意呢幾張相喇！

我已登上長城，成為「好漢」了！

要離開嘉峪關了！





好，上車喇！再坐一小時車程，到達夜光杯廠參觀。

雖然我地興趣不大，但好開心收到遊行社送的夜光杯！都好！

跟住參觀附近的酒泉公園。

導遊介紹古酒泉的由來，我地影左張相就行開左！

已經下午七點半，陽光仍然充沛！

公園唔係好大，行左一陣就已經行哂！仲有d肚餓添！

今晚住酒泉賓館，仲有得食酒泉特色的氣鍋雞，正！