吐魯番 -> 敦煌 -> 鳴沙山、月牙泉 -> 農家宴 -> 莫高窟 -> 敦煌山莊
點解我地要急急腳去下一景點呢？原來係我地要趕搭火車由吐魯番去敦煌！要響火車上過夜！火車於晚上十一點半左右開出，我地響晚上十點四十五分到達吐魯番站喇！
火車到的一刻，影張相先！
因為我地訓軟臥房，我地被安排同另外兩個年紀相若的後生仔女同一間房！之前我地響旅遊巴上都係坐附近的，大家知道係同房都好開心呢！好，咁難得，影番張相先啦！
我老婆幾威！佢好少咁夜仲係精神的！
好，經過一晚響火車上的行程，在上午七時左右到達敦煌站喇！好野！
一落車，安排食一個超級簡單的早餐，出發！沿途又係一大片的荒漠！
一、兩小時的景色都係差不多！
上午十點半左右，到達今日的重要景點 --- 鳴沙山及月牙泉。到達後第一件事，當然係要搵隻「戰駒」啦！睇下有幾多任君選擇！
當日天氣麻麻，又大風、又有小小雨，有d掃興！我地成team人浩浩蕩蕩出發！
行左幾分鐘，已經到達月牙泉。睇下個月牙泉！幾大「浪」呀！就知道當時真係好好好大風！
行多一陣，到達鳴沙山，全個山都係沙來的！好壯觀！仲有，有時真你聽到d沙「嗚嗚聲」，因為被風吹的原故，連d沙都識得「叫」的！幾有趣！
我地見咁多人向山頂行，一於上山睇下啦！
上到五份之一，睇到月牙泉的全景，真係好靚！
再高d就望到另一處的駱駝群喇！
上吓上吓，開始視野朦朧，因為太大風喇！
好，我地上到山頂除左睇景之外，仲可以玩滑沙！我地咁「貪玩」，梗係要試下啦！我滑先，嘩！真係幾刺激！到我老婆滑喇！我梗係要幫佢影相啦！但係唔知點解，佢好似滑得幾辛苦咁，之後佢話，唔知係咪個PatPat大，太重喇，搞到塊板唔係好去，Click住Click住！
見到鳴沙山的「惟一建築」，用佢來做背景影張合照啦！到此一遊！
玩左一陣，坐「戰駒」番入口喇！呢隻就係我的「戰駒」，好乖的！
臨走前，影多一張相先！
第一次近距離接觸駱駝，感覺好奇妙，佢地都幾乖的！呢隻仲識笑添！
離開鳴沙山及月牙泉，去食午餐！今日我地去食農家宴，去到屋外已經被屋前的櫻花樹吸引了！
農家園內已經有表演迎接我地，好有特色的！
到午飯的菜式，好有特色的！因為太肚餓，所以無影相喇！臨走前影左農家園外的景色，我地十分喜愛這個環境呀！
食飽飽！去下一景點 --- 莫高窟。
莫高窟保存著492個洞窟，裡面有好多壁畫及彩塑像，仲有古代的畫廊，十分珍貴的！
我地對於文化遺跡興趣不大，所以參觀左一陣就去到附近的白樺樹休息休息。
行下行下，俾我地見到好多櫻花樹！超靚呀！
我當然用我部「傻瓜機」，以有限的器材同技巧，盡影！呢張相我都幾滿意的！
臨走前又影影先！
好，離開莫高窟，番酒店休息！酒店竟然響嗚沙山旁的敦煌山莊！都幾古典的！
唔係講笑的！鳴沙山就響酒店後面咋！
好，尋晚訓火車，今晚好好休息！
沒有留言:
張貼留言