絲綢之路體驗行の第一天及第二天

深圳機場 -> 烏魯木齊 -> 天山天池 -> 新疆國際大巴扎 ->

哈薩克族氈房家訪 -> 烏魯木齊市中心

自從上年去澳洲的蜜月旅行後，已經有一年時間無去旅行喇！原因有幾個：第一，因為工作十分忙碌；第二，因為要進修；第三，因為要儲錢！

到3月的時候，偶然經過旅行社，好想去下旅行relax一下，睇下有無d平平地的團可以報，於是就嘗試去「隔下價」！我地又想去d特色團，又要平平地，一睇「花花」旅行社有個旅行團，幾岩我地的要求，再了解下，嘩！真係平！團費加稅及保險費，都只係港幣$6,300左右，絲綢之路九天航空團！抵！雖然要響深圳機場上機，我地都覺得方便呀！好，一於平平地玩下先！

我地響上午約十點於香港尖沙咀集合，「花花」安排旅遊車接載我地去深圳，當然先要過關啦！去到深圳機場，等左一陣，下午二點半登機，搭中國東方航空CZ9304班機，飛15:10去烏魯木齊，去到烏魯木齊已經係夜晚喇！之後梗係番酒店休息啦！我地住海德大酒店，都係「大陸五星級」的！

第二朝，一早起身，出發！今日第一景點係天山天池，但由烏魯木齊去天山都要個幾兩個鐘頭，都ok啦！但我老婆就極興奮，因為佢好想去新疆睇自然景觀！
上午十點左右，到達中途站，休息一陣先！

 

再過大半個鐘頭，終於到達天山天池！由於天氣寒冷，天池湖面都結冰！另有一番風味！一定要影番張相先！



睇下天池！何其壯觀！天池上可騎馬！好試試先！
睇下幾咁「英」！

絲綢之路體驗行の第三天

烏魯木齊 -> 阪城 -> 吐魯番坎兒井博物館 -> 蘇公塔 -> 千佛洞 ->

火焰山 -> 高昌古城 -> 葡萄溝

今日一大清早要起床，因為今日在烏魯木齊的行程緊密，有好多景點呀！
先去吐魯番，途經達阪城，見到全亞洲最大型的風力發電站，睇下幾壯觀！真係好多風車呀！

落車影相先！一落車立即知道點解響呢處建風力發電站，因為真係吹到頭痛的！睇下老婆影相時幾狼狽就知道喇！

d風車真係無處不在，咁近公路旁邊都有幾部！

絲綢之路體驗行の第四天

吐魯番 -> 敦煌 -> 鳴沙山、月牙泉 -> 農家宴 -> 莫高窟 -> 敦煌山莊

點解我地要急急腳去下一景點呢？原來係我地要趕搭火車由吐魯番去敦煌！要響火車上過夜！火車於晚上十一點半左右開出，我地響晚上十點四十五分到達吐魯番站喇！

火車到的一刻，影張相先！

因為我地訓軟臥房，我地被安排同另外兩個年紀相若的後生仔女同一間房！之前我地響旅遊巴上都係坐附近的，大家知道係同房都好開心呢！好，咁難得，影番張相先啦！

絲綢之路體驗行の第五天

敦煌 -> 嘉峪關 -> 夜光杯廠 -> 酒泉公園 -> 酒泉

尋晚好好訓，唔知同間酒店太「特色」有關嗎？

上午七點已經起床，上了天台看看周圍的景色，鳴沙山的清晨真係好凍的！天都未光哂、月亮都未走呀！

間酒店似唔似古代的城堡呢？！

我地覺得好似返左戰國時代咁，好得意！

呢張係古代絲綢之路路線圖，都幾珍貴的！

絲綢之路體驗行の第六天

酒泉 -> 張掖大佛寺 -> 木塔 -> 武威雷台漢墓 -> 文廟

今日的行程要由酒泉去武威，都幾遠！開車無幾耐就見到公路旁的雪山，我地問導遊可唔可以落車影幾張相，佢話ok！好野！

咁難得，又影！

好，連續幾個小時見到的都係戈壁，一個字 --- 悶！

絲綢之路體驗行の第七天

武威 -> 蘭州 -> 黃河鐵橋 -> 白塔 -> 白塔寺 -> 蘭州水車園 -> 黃河母親像

今日要從武威去蘭州，都好遠的！搭左成朝車，中午到達蘭州，食蘭州牛肉拉麵！食完拉麵，到達黃河鐵橋。呢條橋係黃河上的第一道橋，故稱「天下第一橋」。
我地要經過鐵橋上山，去圖中右邊中間的白塔山，都幾遠的！

終於到達黃河了！

上山的途中，影影相，休休息，睇睇黃河！

絲綢之路體驗行の第八天

蘭州 -> 西安 -> 唐三彩工藝廠 -> 秦始皇兵馬俑 -> 仿唐歌舞晚會 -> 古城牆

尋晚咁早返酒店，係因為今天好早起床出發！今早我地要從蘭州搭上午七點四十五分、中國東方航空MU7821的內陸機到西安 --- 古絲綢之路的起點。到達西安參不多十點半喇！
來到西安，先到唐三彩工藝廠參觀。睇下工人幾用心！

唐三彩的陶瓷好靚，但我地無買紀念品呀！影下相就算喇！

工藝廠中有一定有西安著名的兵馬俑陶瓷。

絲綢之路體驗行の第九天

西安古城牆 -> 鐘鼓樓 -> 華清池

今日是最後一天，行程自然不太多，只剩下參觀西安的古城牆、鐘鼓樓及華清池。上午九點左右先到達古城牆及鐘鼓樓。