日本中部白雪之旅の第二天

名古屋 -> 豐田市的士多啤梨園 -> 白川鄉 -> 高山


我們的「御用酒店」 --- 東橫Inn，我地選擇呢間酒店的原因有二：第一，就近名鈇鉄名古屋站，又近市中心，正！第二，因為我地取車的店舖在酒店附近，行一分鐘便可以，更加正！



我地租了日產的 Serena七人車，仲要有特價，比 Toyota 平三成左右，正！取了車，放哂行李，中間一排坐 Daddy、Mammy及家姐，十分寬敞，佢地十分滿意！

約一小時車程後到達第一站 --- 豐田市的士多啤梨園。




上次已經同Daddy Mammy試過士多啤梨狩獵，今次讓家姐試試，感受一下「大滿足」滋味！今次放題45分鐘，每人只需 1600円，抵！

我地一看見士多啤梨，急不及待要摘幾粒試試，嘩！又甜、又大粒，仲係全園得我地一家顧客添！任食唔嬲啦！

睇到都流哂口水啦！

唔同形狀及大小的士多啤梨，影影相先！

在園內繼續影影相、談談天、說說笑，十分寫意的感覺！

Daddy Mammy 食左約30粒，家姐同小Mo食左約40粒，小Miu食左60粒左右！勁！大滿足！

園外仲有已經包裝的士多啤梨，一箱四盒只是2600円，勁抵！

離開豐田市，我地要「駕車北上」岐阜縣，各白川鄉出發！天色亦由晴朗轉為下雪。

大家看到眼前的雪景，不禁欣賞多一番。

經過兩小時車程，先在高速的SA休息一下，吃過午飯再繼續行程。



點解在日本食到的咖哩豬扒飯，永遠都係咁好食，在香港食唔到的呢？

繼續我地的至愛 --- 拉麵，おいしい！

高原SA對出便是滑雪場，不過開始大雪，睇得不太清楚。

有幾大雪？！睇下張櫈便清楚了！

我地在SA休息時，都睇到d紀念品好得意，其中一家有岐阜縣的代表 ---  さるぼぼ「飛驒寶寶」。

當然唔少得 Hello Kitty 版 さるぼぼ 啦！

睇下呢排 Meiji 朱古力，買左番香港可能一年都食唔哂！

離開SA，繼續行程。我地見到雪愈落愈大，都有d擔心白川鄉的情況。到通往白川鄉的十公里隧道，雪並不是很大，估計天色應該還可以，有機會到白川鄉觀景台，下望白川鄉的全景，點知．．．

一出隧道的景象，嘩！超級大雪！

我地看到天色昏暗，d雪好似「掉」下來的情況，決定唔上觀景台喇，因為上到去應該乜都睇唔到，我地帶著失望的心情，在白川鄉遊覽一下。

太大雪喇！有傘都無乜用！不過白川鄉的雪景真係好靚，總算是有d安慰，盡情影相吧！

到達河邊的吊橋，Mammy叫我地快d過橋，佢話人又多、又大雪，驚條橋會斷！

河就見唔到喇！小溪就有一條！其餘的已經結冰，被積雪封蓋了！

對岸影回吊橋，真係幾「壯觀」的！

影了十分鐘相，雪愈落愈大，一陣都唔知點駕車返民宿添！

經過白川鄉的合掌屋，加上湖上及田野的結冰，影出來的效果十分美麗！

小MiuMo一家影張合照先！

在白川鄉逗留了一小時，要駕車返高山的民宿。

我地駕車亦要特別小心，在路上亦曾經跣過兩次，駕車有小小飄添！

一小時左右到達高山，先在民宿安頓，見天未黑，到高山老街 --- 上三之町 逛逛。

又見到飛驒寶寶了！不同顏色有不同的「功能」！

大大小小、不同顏色的飛驒寶寶，任君選擇！

行左半小時左右，途經 Family Mart便利店，覺得好古雅，入去睇睇先！

見到老婆最愛的 Rilakkuma 飛驒限定版，買！

家姐亦有收穫 --- 一套五盒的 One Piece 模型，合體後成為 Thousand Sunny 號！正！

Mammy 亦有收穫！ Cup Noodle King Size 裝！香港少有！

好！返到民宿！準備食飯！我地今晚入住的民宿叫「山久」，大有來頭的！遲d才介紹！

今晚晚餐豐富，刺身、漬物、燒魚、麵、天婦羅．．．

當然唔少得高山市的名物 --- 飛驒牛肉！

今晚真係食到飽飽！正！