日本中部白雪之旅の第一天

香港 - > 名古屋


去年農曆新年小MiuMo大阪和歌山之旅好評如潮，今年強勢推出名古屋白川鄉福井之旅，Daddy、Mammy及家姐一早報名參加，我地早在半年前已經籌備，Book了機票、酒店及車，至於行程方面，小MiuMo未去過名古屋，又想上福井等中部地方，加上DaddyMammy未去過白川鄉，好，就以這三地為重點行程啦！

因為上次搭凌晨機有不快的經歷，搞到Daddy唔舒服，今次我地乘搭CX530，香港早上0920起飛，到達日本名古屋下午1530，之後打算在名古屋逛逛街，輕輕鬆鬆過第一天。

從名古屋中部國際機場搭名鉄到名鉄名古屋站約40分鐘，到酒店check-in後已經接近下午5時，Daddy話想在酒店休息一下，我地四人就到附近逛逛。

先看到站外的名古屋地標 --- JR Central Tower。

再到附近的千里馬藥房買日本藥，算平的！

然後返回站內的高島屋百貨，因為放工時間，十分多人。家姐已經在百貨公司內的 Samantha Thavasa 買了一個粉藍色的銀包連吊飾，有特價，比香港平三成左右，超讚！睇來家姐今個 Trip 應該會「大出血」了！

行左一陣已經天黑了，出來見到名店街，我地仲以為名古屋唔會有名牌店，原來並不是呢！

到達名駅地下街，店舖多售賣女裝及日常用品為主。



3 Coins 店內物品十分便宜，又掃一輪貨。

附近店舖內的雨傘，顏色十分鮮艷，香港應該無咁多顏色。

 

行左一陣，到站內的拉麵通食晚餐。

隨意選擇拉麵店，隨意選擇幾款拉麵，仍然十分好吃，Yummy！

餃子肉汁鮮味，又香又熱，香港一家食唔到咁正的餃子！

就係呢間拉麵店喇！認住佢先！

返酒店的大街，途經 Big Camera，唔入去喇！仲有大把機會。

影多一次 Central Tower 的夜景先，靚！

回到酒店，見到電視報導日本歌星合唱的 「All You Need is Love」，為 311海嘯打打氣！

今天行程不多，因為大家都好累了，明早我地會駕車，開始我地1200公里的旅程！