日本中部白雪之旅の第五天

若狹灣民宿 -> 三方五湖 -> 京都清水寺 -> 金閣寺 -> 四条烏丸

Daddy 一早起床去海邊睇漁船，我地朝早睇新聞知道富士山附近地震，對福井無乜影響。

昨晚食得太豐富了，今早早餐比較簡單，都好！我地話今日我午餐食飯團便算了。

我地住的房間，十分清潔，加上昨晚只得我地一家住宿，十分寧靜！

走廊極具和式設計，老婆超鍾意。

仲未介紹漁民宿的名稱 ．．． 民宿叫「竹中」，位於若狹灣神子町，十分寧靜，因為入寸要行山路，有d世外桃源 feel 。竹中外表雖然簡單，但極具內涵，無論房間質素、食物質素及漁民夫婦的款待，真的是超讚的！

臨走前小MiuMo與漁民宿老闆及老闆娘合照，我話會放佢地張相上blog，又會介紹佢地間民宿，佢地十分開心！

離開神子這地方，真係與世隔絕，好似世外桃源一般。我地昨晚就係從這高山上駕車而下，回想起都有d驚！

離開神子，經過三方五湖，老婆好想去展望台，但搵極都搵唔到，最後我地放棄了，直出京都。

駕車三小時後，終於到達京都，參觀清水寺。

這是小MiuMo第三次參觀清水寺，DaddyMammy都來過，但家姐就沒來過，好，又來多一次。

唔知點解，三次來清水寺，三次都有影呢d許願板。

清水寺真係好多人來求姻緣的。

我地覺得滿山紅葉包圍清水寺的情景最靚的！

下一站 --- 金閣寺。上次DaddyMammy來京都時沒有到金閣寺參觀，今次專程帶佢地睇下。途中經過便利店，求其買幾個飯團當午餐便可以了。

一家人又影張相先！

離開金閣寺，先到四条烏丸的東橫 Inn 放下行李，再到四条通逛逛。

我地見大丸的Agnes b專門店有六折，四人共買左6個，唔駛五千元，算ok！

我又到京都的 Bape XClusive 買左兩件日本版 Baby Milo，型！

然後到寺町京極繼續 Shopping．．．

再到這間壽司店食好味道壽司．．．



睇下戰績先！五人份量，共40碟，勁！

今晚好好pack行李，明早再回大阪衝刺！