日本中部白雪之旅の第四天

福井 -> 東尋坊 -> 越前蟹博物館 -> 和紙之里體驗工房 -> 若狹灣民宿


昨晚真真好訓，因為五人訓在這小小的房間，很有安全感！



吃早餐的時間，又是昨晚的嬸嬸招待我地，很親切。

酒店名稱叫「まつや千千」，職員都很有禮貌的。

離開酒店，先到附近的東尋坊遊覽。

東尋坊最名的除了海岸外，仲係一個日本人熱門的跳海自殺地點，都咪話唔驚！

行左一陣，因為太大風，到附近的商店行下。因為時間尚早，顧客並不多。

在東尋坊最出名的是蟹，當然有海鮮啦！

仲有海鮮燒添！

其中最著名的就是越前蟹。

臨離開店舖時，見到一隻越前蟹由 4,000円至15,000円不等，我立即心動，想試一下，好啦！又開餐！

睇下隻越前蟹！都幾大隻的！要 6,000円，價錢ok！

蟹蓋及附迎的蟹肉是用碳燒的方法處理，睇下d蟹膏幾多！十分好味！

蟹腳就食刺身！激！但食落就淡淡的味道，沒有蟹肉的香味。

睇下幾大條蟹腳！正！

離開東尋坊，沿日本海岸駕車，Daddy不時落車望海，我都偷拍Daddy幾張相呀！

再到達越前水鄉之里公園，但因為太凍，無乜水仙花開，所以都無入館參觀。

山坡上見到的水仙花，寥寥可數，失望之餘，努力前往下一目的地。

經過越前町，又係食午膳的時候，隨意地找一間餐廳，是望海的，食慾大增。



隨意地叫了五set食物，但質素十分高，很有水準，其中這燒魚簡值是特級好味！

豬扒亦十分有水準。

其餘的亦十分好味．．．

最特別的係．．．廁所的設計十分精緻，有亭園式設計，仲有海浪聲及海鷗的音樂作背景，去廁所都去得舒服d啦！聽聞呢個廁所在電視節目「千奇百趣」中曾作介紹，勁！

午膳後繼續行程，先到越前蟹博物館參觀。

館內已經有一隻大越前蟹等待我地。

仲有介紹不同種類的蟹。

館內亦有介紹日本漁船的相片，Daddy十分專注了解。

食完蟹、又睇完蟹，我地向下一目的地進發。一小時後到達 和紙之里體驗工房。

因為越前和紙好出名，老婆好想同Mammy及家姐造和紙，體驗一下。造紙前先逛逛，睇睇有乜可買或影相。

估唔到的係小袋子同鐘都係用和紙造的。

我同老婆每人買左一疊Memo和紙，好靚的。

到體驗的時間，老婆好興奮地造紙。

再在模上加上不同的花作配飾．．．

然後加上顏料．．．

再經過快速風乾．．．



靚靚和紙便大功告成了！

造完和紙已經下午五時，天色開始昏暗，又要趕快駕車到若狹灣的民宿，雪愈落愈大，天愈來愈黑，到下午六時，天已經全黑，但要駕車到若狹灣要經過三方五湖及需要行一段山路，比較危險，距離目的地五公里開始全是十分窄的山路，我地十分緊張，因為又落大雪又無街燈又無其他車輛，在山頂上有乜意外，真係叫天不應、叫地不聞的！

感恩的是最後都平安到達！

今晚我地住在一間漁民宿內，主要係到此食特色晚餐料理 --- 河豚料理。包括有河豚刺身．．．



河豚火煱．．．



河豚天婦羅．．．

仲有涼伴河豚添！仲有海參、蟹．．．

活魚刺身．．．

八爪魚天婦羅．．．

雜菜火煱．．．



仲有海螺及日式蒸蛋．．．

同埋燒河豚添！

加上可口可樂出品的烏龍茶，一樂也！



最後還有利用火煱湯底加飯的「雜炊」，味覺大滿足。

這餐飯除左好味之外，老闆娘經常與我地傾談，又用張日漢對應表同我地溝通，好熱情地對待我地，真係好似去左個日本朋友的家中，被親切地接待！好窩心的感覺！