日本中部白雪之旅の第三天

高山 -> 高山老街 -> 宮川朝市 -> 白川鄉 -> 金沢 ->

金沢21世紀美術館 -> 兼六園 -> 近江町市場 -> 福井


尋晚落大雪，今早天色比較晴朗，只有小雪，好！早餐後出外逛逛先！我地住的民宿 --- 山久，覺得十分富有日本屋的特色，十分鍾意！

早餐比較簡單，但我地都食得飽飽的！

 

影影房間先！都好舒服的！

民宿走廊外的小庭園，極具日本建築特色，簡簡單單，加上雪景，已經一絕！

民宿山久之所以大有來頭，原因係電視劇「最美麗的第七天」都在這民宿取景！壁報板上展示鄭嘉穎、周麗淇及陳山聰的照片，仲有佢地的簽名，好多香港人都「專程」「到此一遊」的！

食飽飽，梗係出去行下啦！高山的街道真係好古樸，十分吸引！

 

雪景下的小橋小溪亦覺得很美！

 

路旁的日式小屋，與雪景「絕配」！

 

到達高山老街，因為太早的關係，很多店舖仍未開門。

經過宮川河，看到在「最美麗的第七天」中的紅色小橋吧！靚！

 

 

今早專程到宮川朝市逛逛，但因冬天的關係，很多店舖仍未開門，只見幾間營業。

 

店舖內最多的一定係紀念品，有關海賊王 One Piece 的紀念品就特別多，本來我想儲的各縣紀念電話繩，但見到真係好多款，要儲肯定破財啦！

 

除了飛驒寶寶外，仲見到飛驒青蛙添！又可以買返香港做紀念！

 

又見到「Hida」(ひだ)的飛驒寶寶，即係皺眉的飛驒寶寶！

 

仲有鼓勵讀書的飛驒寶寶添！

 

見到小MiuMo一直儲緊的史廸仔電詬繩日本各地紀念版，嘩！仲有排儲！

見到飛驒寶寶品牌的啤酒，真威！

離開宮川朝市前，影多幾張相先！靚！

 

鋪滿雪的宮川河，真有詩意！

 

欄杆上的雪，好得意！

 

河邊及街景．．．

 

民宿山久附近的寺廟．．．

 

好，返民宿取行李，出發到今天的目的地 --- 石川縣金沢市。

駕車途中，見今天天氣不錯，都好開心！

 

由高山到金澤，沿途經過白川鄉，我見天氣不俗，心想再駕車到白川鄉一次，看看有無機會上觀景台，DaddyMammy家姐同老婆都贊成，好！睇下今天情況如何先！

 

又經過10公里的長隧道了，好想快d駛過，知道隧道後的白川鄉天氣如何．．．

 

一出隧道，見到藍天，好，上觀景台，yeah！

其實今早日本氣象廳預測會有大雪，我都已經「打定輸數」，但現在竟然見到太陽，超級感恩！

 

到達觀景台，白雪下的白川鄉真的很美很美！

 

似唔似蛋糕上的小屋，上面灑滿椰絲呢？！

 

雖然小MiuMo曾經在春天櫻花季節來過白川鄉，但冬天雪景的白川鄉更美，真的很美！

 

一定要影番張合照啦！

影相前發生了一則趣事：我地已經企定準備拍照時，突然頭上樹枝的雪跌下來，搞到Daddy同Mammy成身白雪，大家見到都勁笑！有相為證，睇下DaddyMammy件衫同頭髮！仲有雪的！

 

駕車再遊覽一次白川鄉，見到藍天，梗係又影啦！我同家姐都唔放過咁難得的機會！

 

仲有梗係小MiuMo合照啦！

 

今天無下雪，影d相都靚d！

 

 

合掌屋冰雕，型！

 

回到昨天的吊橋，趁人少少，快快影多幾張先！

 

仲有河邊的位置，今天影得靚好多！

 

我地懷住感恩的心離開白川鄉，向下一景點 --- 金沢 出發！

 

一小時車程後，到高速的SA休息及午膳。850円已經有一碟咖哩飯及一碗喬麥麵，勁飽！

 

仲有老婆最愛的香蔥拉麵，佢話簡簡單單，十分好食！

 

睇下SA外長桌的雪有幾厚，就知尋晚落雪有幾勁！

 

約一小時後到達金沢，先到金沢21世紀美術館。

 

 

我地專程到美術館，就係為左觀賞呢個泳池！就係「最美麗的第七天」中，黃宗澤尋找唐詩詠的泳池。一個在水底觀賞，另一個在泳池旁見到對方的劇情。我在泳池邊見到老婆在水底呀！

 

到我到水底時，老婆又上番泳池邊！激氣！(講笑！)

 

睇落個泳池真係「幾大」囉！

 

在美術館參觀的展品唔多，我地只覺得呢部升降機超有型！佢係唔用「威也」的，係用類似「油壓」式升降的，即係好似我地辦公室坐的椅，可以調校椅子高度的方法控制升降！極之犀利！

 

好！到下一景點，日本三大庭園之首 --- 兼六園。

 

有人話：冬天的兼六園係極美，好有日式亭園的感覺，我地一進園已經十分認同！

 

 

冬天才出現的唐崎松雪吊景色，圓錐形的雪吊極具特色。

 

任何角度影的相都很美的！

 

 

 

雪愈落愈大，又開始日落，我地趕快去近江町市場先！

 

雖然市場接近休息，很多店舖開始陸續關門，但仍見到不少美食．．．

 

 

 

Mammy當然唔會放過這 Shopping 的時間啦！買左一袋番薯番香港慢慢嘆！

 

 

下午五點半，已經日落開始，我地要趕到福井縣的酒店。由於要駕車約一小時半，加上有一段路程不是行高速，要經過普通民居，沒有街燈下行車已經要特別小心，加上突然下大雪，駕車更要留神。幸好我地安全到達酒店，但Mammy已經在駕車過程中好擔心了！

今晚和明晚的晚餐都好特別的，係全程中最特色的兩餐，因為今晚的主角係食蟹，每人一隻約前臂長的蟹，個個都很享受這美食！

 

當然仲有其他菜式啦！超級豐富！

 

個個都極飽！睇下d蟹殼！幾多！

 

食飽了，當然要試試酒店著名的溫泉啦！好多個特色溫泉，任君選擇！