昨晚在輕井沢的民宿，外觀很富歐陸色彩。
房間亦很漂亮呢！
吃過早餐，駕車約十分鐘，到今天的重點行程：輕井沢 Prince Shopping Plaza ，亦是輕井沢的 Outlet。
我們在Outlet營業時(早上十時)到達，遊人並不太多，起初以為在 Outlet 逛逛，不需花費太多的時間，結果．．．
Outlet 主要是這些兩層高的建築，加上範圍很廣，真係要花更多時間去逛。見到老婆至愛的Agnes b，入去睇睇。
這裡有很多款式的袋，其中一些在之前係未見過的。仲有衫同精品，價錢約正價的六折，超抵！
一出店就見到四隻狗仔坐在車仔中，好得意！
真係好想帶佢地返香港！
在Outlet逛了兩個多小時，便到食店逛逛，看看有否「推介」。嘩！真的很多人，有很多地方需要排隊了！
老婆話有 blog 友推介這間「信州食堂」，好，等位試試先！
等了約二十分鐘，終於有位了！我地 Order了兩個鐵板燒，真係幾好食！
離開食店，經過輕井沢站，影影先！
本來想離開 Outlet 的，不過老婆話我地只係行左西翼，仲有另外一邊(東翼)未行，好！一到達東翼，更覺興奮，因為店舖的設計更特別．．．
仲有，竟然見到滑雪場，仲有人工湖！靚！
其實，輕井沢 Outlet 是Prince Hotel 渡假村的範圍，渡假村有滑雪場，仲有高爾夫球場添！勁！
在這環境中行 Outlet，真係十分 relax，正！
真係好欣賞日本人的設計，一個 Outlet 可以咁靚，這亦是我同老婆去過的 Outlet 中最靚的！至今仍然印象深刻！
終於找到了 A Bathing Ape Pirate Store ，雖然在香港東涌都有，但在日本買的感覺會 free D ，購買的心情都好 D！
結果我買了三件衫，比香港平兩成啦！抵！
我地在 Outlet足足逗留了五小時！真的經典！好！趕快駕車，三小時半後終於回到東京池袋還車了。
在池袋 Sunshine City 隨意逛逛，到了 NamjaTown，見佢就快關門，沒有入內。
見到 Vivitix ， Hello Kitty 專門店，店舖前已擺滿鐵架，準備明天的福袋！
經過 N 年前第一次來日本的「第一餐」--- 回轉壽司，價錢依然無變！勁！不過今次我地無光顧。
反而經過另一間經常光顧的池袋站蕎麥麵店．．．
簡簡單單的一碗蕎麥麵，帶出我同老婆不少美好的回憶！
食完蕎麥麵，去酒店附近的回轉壽司店試試，都算ok啦！
今晚是大除夕，有第62屆紅白歌唱大賽，結果由紅組勝出。
今晚好好休息，明日是元旦，要去搶福袋呀！
沒有留言:
張貼留言