離開京都後，唔知去邊好，想下想下，不如去探下小鹿...
駕車開往奈良
沿途天氣開始麻麻地
但始終在日本自駕，感覺好free之如，又好安全。好鍾意...
來到奈良了，周圍找停車場泊車
第二次來到奈良，最掛住D鹿仔，其次係櫻花，但依家見到既係紅葉..
伸脷的小鹿
今次來到奈良，D小鹿跩左好多......
話說我又想買餅仔餵佢地，點知一拿起餅，一大班鹿就衝埋黎，我老公情急之下，驚我比鹿群襲擊，就攞左我D餅，代我餵班鹿仔，點知班鹿就衝埋我老公到，有一隻好跩的鹿仲咬我老公個Pat Pat添，搞到老公發嬲，好惡咁鬧隻鹿......
之後成個過程的老公都好唔開心，因為個Pat Pat好痛！
我心情就好複雜，因為我一心想來探鹿仔，點知佢地咁跩，激親我老公。而件事又因我而起，我都唔知點好....
最後我講了一句令老公一世都十分難忘的說話﹕
係未當中可能有D誤會呢.......不過鹿仔出口傷人，係佢地唔啱，唔可以原諒....
老公到今日，仍然記著我這句說話，好話我只為鹿仔說話，一D都唔理佢既感受喎.....
其實鹿仔都係貪吃姐....係咁冷的天氣下，當然肚餓D，就會有D失控姐....
*當老公見到我又為小鹿說話，一定又好嬲.....*
算啦，忘記D唔開心野，繼續睇紅葉...
好彩奈良的紅葉好靚，老公好快就忘記了痛楚，只顧影相了。
不過老公仍然有些唔開心架......
奈良的紅葉都有好多唔同的顏色，好靚!
老公尤其喜愛這片黃葉地，密舖平面，真係好靚
點解呢棵紅葉的色咁特別既﹖
我倆發現了這處靚景後，又唔捨得離開
老公的心情好D啦....
見到小鹿都唔會再嬲啦...
其實小鹿同小朋友一樣，有跩同乖，我地唔可以一竹竽打一船人的....係一群鹿....
來到這裏，我地見到又有好幾位日本龍友在等緊D野，好似想補捉一些特別的情景...
我地又一齊等....
但最後都唔知等咩，我老公就發現了以下的情景，好有詩意..
算啦，奈良公園的任何地方都好靚，尤其我特別喜歡那種peaceful的感覺。
公園中的其中一"門"
好靚的倒影湖景...
樣板小鹿..
又有中學生來旅行，不過有些好跩的學生不斷戲弄D小鹿。可能因為咁小鹿先咁跩，反擊人類..
小鹿﹕你真係好明白我的心....我唔係想像中咁壞的....
奈良公園著明的南大門
不過都係紅葉靚D
再見啦，奈良
我地會原諒你們的....
沒有留言:
張貼留言