日本東京長野輕井沢消遙遊の第一天

香港 -> 東京 -> 六本木 Mid Town


2011年是經歷甚多的一年，日本經歷311地震海嘯及核危機，小MiuMo的身體及工作上都遇上很大的挑戰。雖然今年己去過日本，但無疑去日本能讓我地放鬆身心靈的最佳地點，所以我地決定在聖誕節再去日本。

因為近期發生的事情，令我地都無乜時間同心情計劃此行程，今次只簡單決定了幾個「必到」的景點，其他的去到日本再計劃吧！

今次我地唔坐國泰機，轉乘香港航空的飛機，因為國泰包稅要六千元一張，超貴！香港航空平千幾元，好！試試先！今次搭HX618由香港飛成田機場，飛1140，到日本是1650。起初我地都以為第一天行程都只係行下東京市中心，食食晚飯，點知．．．

去到成田機場，梗係要去票務中心買Suica 同 NEX去市中心啦！

從第二空港出發！

到達酒店已經係晚上七點，當然要搵野食啦！見到酒店附近有間拉麵鋪，好，拉麵！我們來也！

當然仲有好好味的餃子！熱辣辣！好好味！香港好難找到這樣的質數！

其實在網上尋找資料時，知道東京六本木 MidTown 在聖誕節時會有燈飾睇，但唔知完未，來到日本知道今晚是最後一晚的燈飾展，好！幾累到一定要去！到達六本木已經係晚上九點，累！

六本木的燈飾展好有人氣，每年吸引五百萬人次入場欣賞的！勁！出左鐵路站，已經見到人山人海，要用20分鐘先到達燈飾匯演場地，起初我地都擔心唔知要排幾耐隊，但見咁多人好耐心地等候，我地知道燈飾一定會好靚的！值得等！



起初我地見到燈飾場，面積約二千米，漆黑一片，剩係見到好多細細粒的LED燈，同埋超多人在等候，音樂一出，開始見到LED燈的美麗．．．

音樂愈來愈激昂，燈色亦愈來愈亮麗．．．

高潮所在，全場一片藍海．．．

燈飾在觀眾中的讚嘆聲中表演完畢，各人懷著滿足的心離開，遠望東京鐵塔的夜景，令聖誕夜陪添溫馨！

到六本木 MidTown 逛逛，原來亦有不少燈景點．．．

掛滿聖誕老人公仔的聖誕樹，好特別．．．

好多人景呢隻「聖誕靴」，兩個人的高度！

在商場逛了一陣，無乜特別，亦十分累，所以由商場沿大街離開。前往鐵路站的街景，LED燈掛在樹幹上的，十分美麗。

好累了，返到酒店休息已經係晚上十一點了！