イルミネーションの祭典 (Sagamiko Illumillion)
在池袋東橫 Inn 住的好處，就是一大清早可以到附近行公司！正！先到池袋西武逛 Agnes b 專門店，幫老婆及家人「掃貨」先！
今天開始有 Pre-Sale，七折發售！勁抵！
離開西武，將戰利品放回酒店，再出發。經過高田馬場站，我地專程落車，做左一樣「好傻」既野 --- 錄左高田馬場站的車站音樂 --- 小飛俠阿童木主題曲！
去到今天的第一站 --- 原宿。記得第一次去原宿已經係六年多前，當時只是來見識一下，亦不是去了很多店舖。今天再來原宿，有些很特別的感覺。
早上的原宿並不是太擠擁，看看 Softbank 中無乜顧客便知道了。
我同老婆都好鍾意早上原宿的街景，好寧靜，加上啡紅色的樹葉，更覺詩意！
在原宿有很多橫街窄巷，不要小看那些商店！好多時候會大排長龍！我地經過其中一間食店前，就見到電視台訪問在門外等候開門的顧客了！
到原宿的最主要原因，就係去 A Bathing Ape ，睇下有無「收穫」先！
在門口的 Milo 公仔，鎮店之寶！
見到好多件 Baby Milo 衫，好開心！不過無我想買的黑色，又無我的 size！慘！
到二樓見到一個用紙做的 Baby Milo ，大的要 5,040円！小的也要 3,750円！超貴！
在 Bape 找不到合適的衫！唔緊要！遲d一定會有得賣的！離開橫街返回明治通大街，商店的設計真係十分整齊，甚具特色！
到老婆要逛逛的 Agnes b 專門店，但沒有什麼收穫。
原宿的大街真係十分寧靜，shopping 的感覺都唔同d！
到了原宿的心臟 --- 竹下通，已經十分多人！
隨意到商店逛逛，看到 One Piece 錢箱，得意！
仲有 Thousand Sunny 公仔．．．
One Piece --- Wanted 砌圖．．．
仲有 Calbee + ，係新鮮炸的薯片，我地都想買的，但見到在門口已有二、三十人等待，算吧！
我見到呢件 Cute 版 One Piece 衫，好過癮！
離開竹下通前往原宿站，又見到 AKB48 專門店！又係勁多人！
竹下通一景。
離開竹下通，搵野食！見到一間叫「一蘭」的食店在二樓，好似好多人光顧，好！試下先！
店內好特別，坐位係一格格分開的，好似圖書館的自修位置。
一蘭售賣的拉麵種類不多，但無論湯底、麵的質感及肉的味道，都非常好！
睇下我食到湯都飲哂，就知道有幾好味啦！
一蘭的設計真係好特別的！
呢部就係售賣一蘭拉麵的自動販賣機，左面就係售賣的兩種拉麵，右邊的只係配角，有餃子、玉子、茶．．．等。
這一餐好有特色，正！沿大街繼續前行，見到 Uniqlo，間店舖的 design 好 cyber 的！睇下鐵櫃中一樽樽的，好似便利店的樽裝汽水，其實係一個個膠樽裝住件 T-Shirt ！大開眼界！
真係好 cyber feel ！
Uniqlo 的外觀！型！
再行經一間糖果店，有老婆最愛的「彩絲糖」，好味！
在原宿行了一個下午，係時候去今個行程的重點之一。這目的地頗難去，仲要去到神奈川縣添！我地要由原宿坐 JR 到高尾．．．
再由高尾坐至相模湖．．．
在站內已有燈飾歡迎我地。
離開相模湖站已經係下午五點左右，但天已經漸黑了！
我地仲要坐二十分鐘巴士才能到達今晚的目地！
沒有留言:
張貼留言