阿聯酋杜拜探索之旅の第四天及第五天

帆船酒店 -> 仙巴歷險記水上樂園 -> 無人駕駛鐵路 Dubai Metro  ->

Mall of Emirates -> Ski Dubai  冰雪世界 -> Dubai Mall ->

Dubai Aquarium 水族館 -> 哈利法塔 (Burj Khalifa) ->

世界島 (World Islands) -> 杜拜湖音樂噴泉

經過尋晚不悅的經歷，我地對在帆船酒店食早餐已經不抱太大期望。到一樓的餐廳食早餐，環境的確唔錯。但我地食早餐時，終於知道點解尋晚的職員態度會是這樣。

全餐廳大部份都係講普通話或廣東話的「自己人」，講野大聲唔在講，排隊打尖、搶野食、當餐廳係自己屋企，大大聲話自己來帆船酒店要點豪點豪，一副「不可一世」的樣子，職員對待他們的態度點會好呢？！

我地終於明白：外表只係虛浮的，內涵才是最重要！

食完早餐，出去沙灘行下，其實沙灘真係好靚的！

Jumeirah Beach Hotel 。

帆船酒店的正面。

尋晚我地就係乘搭這架小車仔來回帆船酒店及Jumeirah Beach Hotel 。住客係唔駛錢的。

在沙灘上欣賞帆船酒店，真係幾寫意的！

到了上午十時，我地到帆船酒店旁的仙巴歷險記水上樂園玩下。

呢個滑水梯好好玩，因為係由下而上玩的，好特別！

玩左個半小時，要返酒店check out了。做左一晚富豪，如果做富豪要有咁多限制同管束，我地寧願平平凡凡、開開心心、自由自在地生活了！

離開帆船酒店，乘搭全中東最長的無人駕駛鐵路 Dubai Metro 。



列車並不長，只得五卡。

老婆做左「車長」，哈哈！

搭左一個站，今日係shopping的時間。先到 Mall of Emirates 。已經覺得好大。

到 Ski Dubai 玩下，這是杜拜的「天堂」 --- 冰雪世界，可以讓暑氣全消。

裡面有真雪賽道，唔講得笑！

我地就坐雪兜玩呢d小型賽道。

由四十幾、五十度的高溫，入到 Ski Bubai 只得零下兩、三度，真係凍到頭都痛！

玩左半小時，頂唔順咁凍，出來食左個麥記，都唔平！

隨意在商場逛逛．．．

杜拜都有好多名牌商店的。

行完Mall of Emirates ，到全球最大的商場 --- Dubai Mall。總面積有五十個足球場，行兩日兩夜都行唔完啦！

經過 Dubai Aquarium 水族館，本來我地都想入去參觀一下，但其他團友話唔值得睇，我地在外面影下相便算。

在 Dubai Mall 行左十幾分鐘，終於到達哈利法塔 (Burj Khalifa) 住觀景台的入口 --- At The Top 。

入內先見到哈利法塔的模型。

又見到哈利法塔的塔尖。

又有哈利法塔的簡介。

終於到達全球最快的電梯。由地下到哈利法塔位於124樓的觀景台，只需1分10秒左右！

哈利法塔電梯，由地下至124樓觀景台，只需1分8秒！超快！睇片！

 

到達觀景台，當然唔少得賣紀念品的counter。

到室外的觀景台行下，老婆話唔敢向下望！影張相紀念啦！

哈利法塔高828米，共168層，全球最高建築物；位於124樓的觀景台亦是全球最高的觀景台。

由觀景台外望，真係覺得其他建築物好矮細！好似睇住d模型咁！不過老婆話望落去，一點綠色都冇，沙塵滾滾，唔靚!

在觀景台可以望到四個「世界第一」：第一個就梗係哈利法塔啦！睇下！見唔到塔頂的！

第二：全世界最大的商場 --- Dubai Mall。

第三：全球最大型的室外噴水池 --- 杜拜湖音樂噴泉。

第四：全球最豪的人工島 --- 世界島 (World Islands)。

下面是資料圖片：世界島是由三百座小島組成的，從高空鳥瞰剛好構成一幅世界地圖。世界島在二○○三年動工，花了五年時間，將三點三億立方公尺的沙和四千七百萬噸石頭，填海打造世界島地基。但國際太空站的最新衛星照片發現，世界島正逐漸下沉，已不復原來面貌。

一個字 --- 慘！

參觀完哈利法塔，到商場外影影塔的外貌。

一定要同老婆影張相紀念！

在商場食了晚餐，到外準備睇杜拜湖音樂噴泉的表演。夜幕下的哈利法塔，靚！

準備睇表演了！

起初以為唔會好靚，開始後印象完全改觀！十分壯麗！好靚！好吸引！加上配樂同燈光效果，老婆話好似睇煙花咁！十分值得推介！

送上兩段噴泉短片：

Time to Say Goodbye

梁祝

睇完全球最壯觀的噴泉表演，要離開杜拜了！

後記：

其實人生需要甚麼？財富？名譽？地位？

去過杜拜，我地相信會有更深刻的體會。