希臘愛琴海浪漫之旅の第八天

雅典市中心

今天在雅典市中心逛，好！ready go！

先到國家考古博物館 (National Archaeological Museum) 影相先．．．

途經一間古典味極重的建築物，但牆身已被塗鴉，原來這間是 National Bank of Greece，應該是逃不過債務危機而倒閉了！

跟住去到國家圖書館 (National Library) ．．．

雅典大學 (University of Athens)．．．

雅典學院 (Academy of Athens)．．．

國家歷史博物館 (National History Museum)．．．

影完一輪相，我覺得有些累，又熱，決定去 Shooping 一下！先去 H & M！

再行下 Ermou 路及附近的名店街．．．

進入幾間店舖，發現佢地對待顧客的態度真係不太積極。老公去到一間店舖，見到一個可口可樂形的電話，拿在手中睇睇，竟然被店員毫不客氣地叫佢放低，仲話只剩下最後一個，唔好整污！老公話：唔想整污就用個Display櫃放好，唔好放出來啦！

另外，當我途經一間服裝店，見到櫥窗公仔身上件衫好靚，但我在店內的架找不到同款式的，於是向店員查詢，可否將公仔上的衫除下，點知店員的答案令我地嚇一跳，佢話佢地每逢星期五會將櫥窗的服飾換一次，要買就要等到星期五再來！佢係唔會除下那件衫的！

嘩！咁都得？！我地終於明白，點解希臘人會有債務危機了！換轉在香港、泰國、甚至係日本，同類事情肯定唔會發生！

之後我地來到中央市場 (Central Market)。我好想睇下有乜野買，點知睇到d牛牛羊羊原隻掛在櫃中，睇到都怕怕！

到達 Monastiraki 區，見到蒙納斯提拉奇廣場。

Monastiraki 蒙納斯提拉奇區出名賣紀念品，價錢亦頗便宜。

途經一個類似地盆的區域，但睇真d．．．唔似係地盆喎！

係考古遺跡！考古人員努力發掘中！

經過衛城下的餐廳，個侍應好熱情招待，好！望住衛城食 Lunch！

飯後到達古代阿哥拉 (Ancient Agros) 參觀，先到海菲斯塔斯神殿，是保存得很好的神殿之一。

接著到名塔羅斯柱廊博物館。

館內有許多出土文物．．．

行左一陣，我同老公興趣不大，決定到布拉卡 (Plaka) 區  Shopping。

呢度有好多特色的店舖，道路亦較寬敞，我地行得好輕鬆。

寫滿希臘文同英文的打招呼讀法。我地剩係知道 英文"Yes" 係 "Ne" (音 "呢")、英文 "Thank You" 係 "Efcharisto" (音 " F " "Currys" "圖" )。記住呢兩個就得喇！

去到尾二的一站 --- 潘納辛納科競技場 (Panathinaiko Stadium)。

老公極期待到潘納辛納科競技場參觀，因為這裡是第一屆現代奧運會舉行場地。當然唔少得影相啦！

呢兩張係給希臘皇帝及皇后坐的「最佳位置」，我地有幸坐在其上！哈！

老公在跑道中「顯露身手」．．．

冠軍獎牌就梗係我攞啦！

奧林匹克旗。

歷屆主辦奧運會的國家均刻在石碑上，永留歷史。

 

潘納辛納科競技場正門，老公再影多幾張先！

去今天最後一個景點 --- 利卡維托斯山丘 (Lycabettus Hill)。幾經辛苦，終於到達纜車站，極其隱蔽，好似在一間商店中。

進入「商店」中，驚見上山的纜車！等待買票也要一段時間。點解唔比我地買飛入去車上坐住等呢﹖纜車班次又疏落，三十分鐘一班車，真係少d耐性都唔得！

上到山，已經七點十五分左右，準備欣賞日落。

山上的教堂。

遠眺衛城．．．

仲有剛去完的潘納辛納科競技場。

同老公影張合照， So Sweet！

又一場日落Show開始！

這幾天共看了五次日落 Show，每次形態各有不同，每次睇日落都好感動！最開心、浪漫的係兩公婆可以帶住感恩的心去欣賞每個日落。

一場來到，一定要影衛城的夜景，十分震撼！

影完夜景，落山好好享受在希臘的最後一夜。我地選擇係酒店附近的食店的露天座位享受晚餐。我地叫咗兩枝啤酒，一邊傾，一邊欣賞餐廳的 live 結他聲，氣氛一流！

食飽飽，回酒店收拾行李，準備明天離開希臘。真真不捨得呢！