阿聯酋杜拜探索之旅の第二天

杜拜 -> Abra 參觀運河 -> 酒店市集 -> 亞特蘭蒂斯酒店 ->

沙漠四驅車 -> 中央營地

因為之前在飛機上過夜，加上天氣實在太熱，體力消耗太多，所以尋晚好好訓。一早起床，梗係影下帆船酒店啦！

見朝早有時間，食左個酒店提供的「超豪」早餐 Buffet ，乘搭酒店的 Abra，遊覽一下運河的景色。



由酒店餐廳外出，已經有一碼頭讓我們等候，有職員通知 Abra 船伕，Abra便過來接載我地。船伕隨意載我地「繞場一周」，又見到帆船酒店了。

運河兩旁的酒店真係好靚！好有阿拉伯風情！

當然唔少得在帆船酒店前影相啦！

坐完 Abra 參觀運河，到酒店附設的市集參觀。先影影酒店的外貌。一出酒店已經熱死，趕快到室內涼冷氣先！

好在市集係室內，有冷氣！正！

富有中東feel的服裝，老婆至愛！

水煙壺，響突尼西亞見過了！

多色多彩的玻璃燈臺。

碟都靚d的！

古玩店．．．

行左一陣，無乜收穫，返酒店。見銀包有不同面值的紙幣，影影先！阿聯酋用的貨幣叫迪拉姆( Dirham )，同美金掛勾的！一美金兌3.65DHS。

好！出發！今日的lunch到另一間酒店 --- 迪拜棕櫚島亞特蘭蒂斯酒店 (Atlantis The Palm Dubai)食自助午餐。影影亞特蘭蒂斯酒店外觀先！

雖然係五星級酒店，但這個 Buffet Lunch 可算得係「好一般」，水要自費唔在講，食物質素真麻麻！

食左少少，出外參觀一下，見到亞特蘭蒂斯酒店內有一個巨型水族館，影影先！

老婆話：Daddy來到一定會好開心！

我地無入 Lost Chambers，因為要收入場費，何況杜拜最大的水族館在另一商場內，可以唔參觀呢個！

其實大堂都幾靚！

好！飯後我地會乘車到沙漠玩四驅車，公路兩旁真係沙漠來的！

先在中途站匯合其他車隊，一齊出發，方便照應。

車隊浩浩蕩蕩出發，向未知的沙漠進發！

起初我地以為行下平路，進入沙漠的中央營地，點知司機駕車在沙丘上「片」來「片」去，上上落落好似玩過山車咁，都咪話唔激！

近景無咁清楚，遠景就一目了然！

行左十幾分鐘，我同老婆已經嗌救命，老婆仲有d頭暈！去到中途站，大家落車影影相，玩完「海盜船」，加上四十幾度的高溫，腳下的沙十分燙，我地都無乜心機影相了！

不過今次真係進入沙漠較深入的地方，見識到沙漠的浩瀚！

駕車約十分鐘後，到達中央營地，大家準備睇表演，我就上山準備睇日落。

營地的遠景。

第一次在沙漠睇日落，好興奮！之後返營地欣賞肚皮舞，食自助餐(唔係好多野食，又唔係好好食)，因為又熱又暈，唔係食左好多就想返酒店了！

返到酒店已經九點半，累死！立即訓覺，明早食返個豐富早餐先！