日本和歌山淡路島深度遊の第六天

川湯溫泉 -> 仙人風呂 -> 南紀白浜市場 -> Rinku Premium Outlets -> 大阪國際機場

昨晚我地在川湯溫泉的富士屋休息，川湯溫泉在深山中，十分寧靜，我同老婆都好鍾意，連daddy都話，跟「亞妹旅遊」先至去到呢d深山地方！哈哈！

我同老婆今早六點就起床，因為想一早去浸露天的仙人風呂。仙人風呂位於川湯溫泉帶，風呂係男女混浴的，但通常浸溫泉的都會穿上泳衣泳褲的。

 

仙人風呂旁有一條小溪．．．

風呂係露天的，今天天氣一般，早上有煙霞，所以風呂飄起煙霧．．．

點解叫「仙人風呂」？因為這露天風呂很大，可同時容納千人在風呂內浸溫泉！應該叫「千人溫泉」，又取其日文諧音「仙人溫泉」囉！

仙人溫泉旁的小溪，附近有些酒店及民宿，山谷中的畫面，在早上顯得特別寧靜。

我同老婆在仙人溫泉浸約二十分鐘，覺得好特別，因為小溪的河水可滲透入仙人溫泉，如果身體靠近小溪的一方，會感到上暖下涼的特別感覺。

浸完仙人溫泉，返富士屋食早餐。我當然會到昨晚浸的溫泉影番幾張相先！個溫泉都幾靚的！

我地尋晚住的房間叫「MoMo」，日文解作「桃」。原來「MoMo」係「桃」，我同老婆返屋企會叫「MoMo」做「桃」的！

食早餐又係有專人服侍，都幾豐富的！我地仲開始習慣搵梅子餸飯食添！

「MoMo」房好大間的！仲向河景，景觀及空氣質素一流！

好，臨走前影多兩張川湯溫泉同仙人風呂啦！

今日得兩個景點，我地會再到南紀白浜市場買手信，沿途風景甚美！

去左咁多次日本，最鍾意自駕遊的原因，就係可以自由自在地欣賞身邊的風景，仲有，在日本駕車真係毫無壓力，so free！

好，再到南紀白浜市場，買手信！

南紀白浜市場最著名的係梅子，真係有好多梅子賣，仲可以任人試食的！

呢檔 Counter 係人氣 Number 1，好多人買梅子．．．

梅子一d都唔平的，1000円一盒。

當然仲有好多款梅酒啦！

我同老婆當然要把握機會，買左一枝返香港。

在市場中梗係有日本和牛啦！正！

仲有毛蟹．．．

長腳蟹．．．

蟹的種類很多，但我地都無帶佢地番香港，因為．．．趕時間！

因為要趕返大阪，仲要在check in前去 Rinku Premium Outlets 掃貨！

我趕快地影幾張相，便開始掃貨大行動！

一向少在 Outlet 買野的 Daddy ，竟然在 Nike 買左對波鞋，仲有在 Adidas 買左件風褸！老婆就買左件長褸，我在 Adidas 買了兩件運動外褸同一件短袖 T Shirt ，仲要有額外八折，三件一共4200円，共港幣四百元左右，抵到爛！

臨走前影影 Outlet 附近的摩天輪，我地今次的行程一共見到六至七個摩天輪，都幾多的！

由 Outlet 遠望，就係大阪國際機場。



還車了，短短六天，行了一千一百五十公里，勁！



要多謝家姐幫我地 Online Check in，我地先可以逗留到下午四點半才離開 Outlet，多謝家姐！

我地乘搭國泰 CX 507 ，飛1825 ，於2145返回香港。

後記：

今次我同老婆最深的感受係，我地同 Daddy Mammy 去旅行，唔需要計劃行程太周到，因為簡簡單單同 Mammy 去農產物所、俾 Daddy 留在碼頭睇漁船、帶 Daddy 去釣魚店睇釣魚工具、同 Daddy Mammy 去買日本的特色小食，在車上有講有笑、亂講一通，都可以讓我地回味旅程的點滴！