澳洲塔斯曼尼亞塵世美之旅の第六天

Bicheno -> Wineglass Bay Lookout -> Barilla Bay Oyster Farm ->

Tahune Forest Airwalk -> Huon River -> Big Tree Lookout -> Huon Valley

今天的車程好多，我地要好早出發，故今早七點起床出發！

今天第一景點係 Wineglass Bay，我地從旅遊書上看到呢張相，我老婆超想去這地方！好，出發！

經過不斷的尋覓，終於知道要影這圖片，駕車是不可以的，需行一段約三小時的山路才能到達，我地決定行一段約三十分鐘的山路往觀景台就可以了！山路唔算太難行，空氣亦很清新！



到路程的一半，看到另一邊的景色，已經好靚！




山徑中有好多風化的石頭，其中呢塊好特別，影影先！

邊行邊傾，好快過了三十分鐘的路程，將近觀景台時，見到一張 Designer Chair在路旁，好舒服的！點解香港行山時見唔到呢類 Designer Chair呢？！

終於到達 Wineglass Bay Lookout，個沙灘真係幾靚！



呢個沙灘有d來頭，被旅行雜誌中選為「全球十大我最喜愛的沙灘」，勁！

今日天色一般，所以有小小失望，影d相麻麻地。回程時見到路牌介紹，見到呢張相咁熟呢？！原來本旅遊書都係影呢張相作介紹！唓！

今日我地要由塔斯曼尼亞東面駕車至中南部，車程約三小時。途中見到特色景點，落車休休息，影影相。又看見酒莊及葡萄園，又影！

車路旁的沙灘、藍天及白雲，正！

萬里晴空，在香港真係好難見到！

早前買左三隻公仔：藍企鵝、鴨咀獸同針鼴鼠，老婆放佢地響車頭玻璃，帶佢地出外玩玩，佢地都好開心，坐唔定！我駕車一轉彎，佢地就走來走去！！

下午一點，終於到達中途站 --- Habart 機場附近的 Barilla Bay Oyster Farm 。呢間餐廳好出名的，好多旅遊書都介紹，原因之一係近機場，最重要的係．．．

等陣話你知！

我地先到餐廳食lunch，老婆order左個肉丸意粉．．．

我呢！竟然order左個貴夾唔飽的「法國菜」！

我地梗係食唔飽啦！點解咁多旅遊書介紹，係因為呢處的外賣生蠔真係好好好好味！一打外賣生蠔，十蚊澳元，折算為港幣7元一隻，超抵！

外賣己一盒盒包裝好．．．

一打開盒，嘩！一陣鮮海水味撲鼻，生蠔唔係好大隻，比一隻食指大隻小小，但係一食難忘，好fresh，好creamy，完全無電油味，蠔從舌頭滑下喉嚨，一啖入口，又甜又香，我一路打blog，一路吞口水！可知道真係好好好好味！

食飽lunch，繼續行程，經過Tasman Bridge．．．

經過一個半小時，終於到達 Tahune Forest Airwalk 。

入口先見到 Huon River，河水清澈。

走入森林．．．

見到近四十米高的大樹！

途指示行，終於行到樹頂道路(Airwalk)了！老婆行的時候都有d驚驚！

睇下！真係唔講得笑！

咁高，都咪話唔驚！

去到airwalk的盡頭，就係呢條高48米的觀景台。

咪睇我同老婆影相咁寫意，都有d驚驚地！

從觀景台向下望，小d心血都驚死！

遠眺 Huon River。

好，行完Airwalk，再行十五分鐘，到達 Huon River 上的吊橋，影相先！

吊橋好窄，行的時候都擺來擺去的！

Huon River 的河水出名清澈，而河水更被當地人稱為 Tasmanian Tea，可即時飲用的！

我同老婆梗係會試試，拿個水樽裝d Tasmanian Tea 飲啖先！超級清涼！正！

行完 airwalk ，我地駕車到附近的 Big Tree Lookout。

呢棵樹高87米，係受保護的老古樹，在地圖上有標記的！

回程途中，突然見到路上有隻小動物出現，d車停哂，我地立即拿出相機．．．

老婆以為係樹熊，但睇真d．．．係 Wombat 野生袋熊！我地又只係響動物園見過，野生的真係未見過！

剛行完 BigTree Lookout 就下雨，一出樹林就好天，感恩！更感恩是．．．

見到雨後彩虹！！！

原本我地想 Join Huon River Jet Boat，但因為時間已過，算啦！都去過 Huon River，飲埋 Tasmanian Tea，好啦！

到達今晚的民宿 --- 位於 Huon Valley 的 Donalea B&B and riverview apartment，大有來頭的！剩係睇個入口已經知道，係一間好靚的民宿！

泊車後一看，嘩！小花園、歐陸式大宅．．．

內裡英式的傢俬．．．

窗外的河景．．．

很有家的感覺！

看看睡房，嘩！入門口已經再分開三扇門，左邊的門係大廁所，有按摩浴池一大個、洗臉盆兩個．．．

仲有花酒企缸一個，駛唔駛咁豪呀！

另一門係坐廁，右邊門係睡房，睇下張床幾靚！

快快出去食晚餐，快快番來享受一下！正！