澳洲塔斯曼尼亞塵世美之旅の第一天及第二天

墨爾本 -> 大海洋路 (Great Ocean Road) -> Split Point Lighthouse ->

Cape Otway Lightstation -> 十二門徒石 Twelve Apostles -> London Bridge

我同老婆在6月已開始計劃今次的聖誕旅行，老婆固然想去日本，我提議可否去另一些地方，但我地仍沒頭緒！直到六月底，老婆突然興之所至去學聯睇下有乜自遊行可參考參考，發現去澳洲同塔斯曼尼亞的機票價錢都好平，因為之前我地都有考慮過去塔斯曼尼亞 (睇左陳奕迅的現代塵世美，好靚！ ) ，老婆二話不說就落訂，決定聖誕去塔斯曼尼亞，我當然舉腳贊成！

我地0950搭澳洲航空QF30飛墨爾本，當地晚上2150到達，過海關好快，出來機場等shuttle bus到酒店，有小小時間影下機場先！

昨晚住 Mercure Welcome Melbourne Hotel 好近唐人街及市中心，都幾方便的。不過今日係12月25日聖誕節，墨爾本市內好多商店都唔營業，想逛街都唔得！慘！睇下條街真係無人的！

我地計劃行程時已知這情況，於是我地今日決定只去一個景點 --- 大海洋路 (Great Oecan Road)，欣賞沿途的景點及十二門徒石。早上八點去租車公司取車，影下開車前的咪表先！

駕駛兩小時，先到達第一景點 Split Point Lighthouse 。落車休息一下，影影相，吹吹風，天色麻麻，我心裡即祈禱，希望一陣去十二門徒石時天色好d啦！

再開車出發！途中見有幾架車停在一旁，有好多人落車向樹上看，我地都停車睇下。原來響樹上有兩隻野生樹熊。我同老婆以前都有見過樹熊，但只在動物園見過，野生的都係第一次見！我老婆叫我影多d相，佢就靜靜地觀察樹熊的動態，好得意的！

睇下幾cute！幾神氣！

駕車太長時間會好危險，大海洋路出名多彎路窄，所以要加倍小心。我地一見有靚景就立即停車影相，又可以休息一下，都幾 relax 的！睇下條大海洋路！真係響個海旁的！(都幾廢話的！) 不過風景真係好靚！睇下！是但將車泊在一旁，都可以影到好美的風景！

在出發前，daddy 同 mammy 都擔心我地在大海洋路駕車會有危險，但我地駕車時又唔覺得太大問題，因為一來車比較少，另外澳洲駕車的司機都好遵守交通規則，一般都唔會超速及胡亂爬頭，因為響澳洲被警察抄牌，罰款好貴的！

沿途見到山坡上的綿羊，好多隻，好得意！

又有野生樹熊睇，睇下呢隻真係好「矇」的！

若有所思咁.......

經過三個半鐘車程連午飯時間，終於到達第二景點 --- 澳洲本島最南端的燈塔 ---Cape Otway Lightstation 。可惜去唔到燈塔參觀，又因為係聖誕節囉！

一場來到，無理由不歡而散的！我地見到附近有d外國人由山坡行落黎，立即去問佢地是否有觀景台可望到 Lightstation ，佢地指示要沿小徑上山，大約十分鐘就見到的！好，我地上去睇睇先！

上到觀景的地方，只係有一個木牌，附近被樹及草叢圍著，我要企上木牌，叫老婆扶實我，相機zoom到最盡，才影到幾張 LightHouse的頂部，都算唔錯喇！

辛辛苦苦影完幾張相，又要駕車繼續行程。一出車見到對面車突然慢駛，知道又有小動物出現了。今次見到的更震撼 --- 野生樹熊橫過馬路！嘩！小心呀！隻樹熊又行得慢，一步一步行下行下！好鬼得意！

我同老婆只見過樹熊在樹上，未見過佢行！真可愛！

再駕車約一個半小時，終於到達十二門徒石 (Twelve Apostles) 了！家姐曾經講過，可以從車路步行落十二門徒石的沙灘，我地相信應該係呢處了！好，等陣再落去行下！影相先！

十二門徒石其中之二(有一塊在後面遮住了！)

終於到達十二門徒石了！風和日麗，藍天晴空，真真感恩！

不過正因為太好天，影出來的效果不佳，只影到幾舊「黑漆漆」的大石！所以我地決定睇埋前面的景點，等黃昏時間再來影相。

沒有背光的一面，效果好好多！

剛才提及的十二門徒石的其中兩塊！好靚！

不得不讚嘆大自然的「鬼斧神工」！

駕車再向前行，到達另一景點 --- London Bridge 。近睇好似無乜特別．．．

其實佢地係海蝕柱同海蝕拱！正！

景點兩旁的環境，真係睇到我嘩嘩聲，又係影相的時候了！

影左一陣，決定去剛才提及的沙灘逛逛。沿著長長的木梯而下，就到達沙灘了。

沙灘上的人比較少，我同老婆最鐘意玩沙灘漫步，影番背後的兩雙足印，幾溫馨！

落腳架影下個沙灘先！

玩左大半個鐘，好relax同老婆慢步，談天說地，係時候番去影十二門徒石了！舉目一看 --- 天陰陰，影相的效果又不太好了！

不過今次終於見到十二門徒石的「真身」了！我地見到的只剩下幾舊，遲d會唔會連呢幾舊都被海浪「吞噬」呢？！

下午八時了！要離開十二門徒石返墨爾本了！仲要駕約四小時回墨爾本，慘慘！

回程途中，最要「獻出」我的「第一次」：在公路上被警察截停，做「吹波波」酒精測試！

超攰！番到停車場，睇睇咪表，今日足足行左 600 公里車程，即係一日內駕車來回機場同觀塘八次！勁！