歐洲英法比荷四國遊の第六天(上)

阿姆斯特丹 -> 芝士廠、風車村、木屐廠 -> 阿姆斯特丹市內觀光

-> 運河 -> 鑽石中心

今早起床，見酒店旁有個小碼頭，行行先！

呢間就係酒店喇！都幾似青年旅舍的！

今日的行程去芝士廠、風車村及木屐廠，三處都在同一地方。先參觀芝士的製作過程，都幾衛生的！

當然有得買不同款式的芝士啦！

行出去就係風車村，我同老婆當然要影影相先！

我地好鍾意呢段路，因為係自由行，時間亦唔趕，我地可以慢慢行、慢慢傾！河邊有幾部風車，梗係狂影啦！

我同老婆的合照！

聽領隊講，全荷蘭的風車數目已經愈來愈少，只剩下一千部左右，真係要影多幾張先得！

河邊的小屋都有私人碼頭，正！

行下行下，不經不覺已過左一個鐘！同老婆一齊過的時間會特別快的！

我同老婆都好鍾意呢條小路，係 "S" 型的！

影完風車村，最後到木屐廠參觀一下。店內保存好多古製木屐的！

木屐都可以係白色的，好似芭蕾舞鞋一樣！

同老婆影張相先！

老婆最鍾意的木製鬱金香！佢十分鍾意呀！決定要買一大束回港！

木屐都好多顏色的！當然亦可以著得啦！

即場有木屐製作的示範。我地買左小小紀念品就走了！

好，今日的午餐「食自己」！到阿姆斯特丹市中心行行啦！街上見到馬車的機會不多，比布魯日少好多呀！

行左去火車站的一邊，都幾靚的！

響荷蘭隨處可見的「彩虹旗」。我老婆仲以為係邊個國家的旗幟，我記得新聞有講，彩虹旗係支持同性戀者的旗幟來的。因為荷蘭係歐洲第一個同性戀合法化的國家，可見性觀念在荷蘭都幾開放的！隨處可見彩虹旗，並不為奇！

但我同老婆都不贊成同性戀呀！

好喇！今天的自由時間頗多，終於可以同老婆搵間餐廳食意粉喇！隨意入一間餐廳啦！

我地order左兩碟意粉，超超超好味！連一向唔鍾意食茄汁意粉的老婆，都覺得第二碟意粉十分好味！

又見到芝士店！d芝士一舊舊，好得意！

來到荷蘭先知，喜力係荷蘭出品的！最衰真係無買支喜力試試味道啦！

食飽飯，在大街上隨意逛逛，看看建築物，影影相！好享受同老婆閒逛的日子！

河畔的景色都好靚的！

我地沿住Rokin大街行．．．

竟然俾我地見到 Agnès b 在阿姆斯特丹的分店！我地立即入去睇睇有無收穫！嘩！竟然見到2010年夏天款式的全皮手袋，扣埋稅只係113歐元！超抵！我鼓勵老婆立即買啦！好野！佢話佢買呢個袋，仲開心過買左個 LV 袋喎！

買左個Agnès b袋，我地繼續行，沿途見到一面「XXX」旗，領隊話「XXX」係荷蘭的特色，由古時留存下來的，意思係「無火、無水災、無傳染病」。所以荷蘭隨處可見「XXX」符號的物品。

由Rokin大街轉入，見到一大埋類似香港「臨時街市」的商店，起初我地以為是賣手信或小飾物的，原來一看，全部店舖都係賣花的！我老婆超級開心呀！

D鬱金香仲要好平！50支6蚊歐元！港幣個幾！極之便宜！

d鬱金香花球都只係10歐元兩個！超平！

我老婆最愛的木製鬱金香，狂入貨啦！

店舖的外貌，好多人購物的。

我老婆話，響呢度仲開心過去Keukenhof花展，因為有得買花，d花的品種仲多呀！

鬱金香花罐頭！10歐元三個！我地都買左三個試下種。

好喇！差不多要走喇！