阿姆斯特丹市內觀光 -> 運河 -> 鑽石中心
離開花舖，行下另一條購物街 --- Kalverstraat 大街。
沿經一間玩具店，我老婆叫我入去睇睇。好啦，我都唔知有無收穫的。
竟然在店內見到我的最愛 --- 荷蘭版大富翁！我老婆仲開心過我，叫我即刻買！愛收藏大富翁的我，見機不可失，即買！
集合後一齊搭船暢遊運河，見到碼頭對面的單車場 --- 超誇張！樓高三層，泊滿單車，估計有幾千部單車！勁！
我地就係搭這款船遊船河的！
暢遊運河，見到船屋，真係有人住在船屋內的！
阿姆斯特丹有好多橋！短短一小時的船行，已經經過幾十條喇！
兩旁的風景。
呢幾條橋係導遊推介的「七孔橋」，直望有七個橋孔的，好有特色。
經過阿姆斯特丹著名的橋 --- 瘦橋 (Skinny Bridge)。
河邊的建築物，典型的歐洲建築特色。
突然領隊叫我地落船，係要我地參觀鑽石中心。首先參觀鑽石的打磨程序，原來打磨程序係好精細的！
講解員解釋如何將鑽石礦造成鑽石，需要六個步驟的。
分割鑽石的機器。
中心展出一粒121面的鑽石，我唔記得有幾卡喇，大約一個五毫子咁大啦！超閃！
鑽石唔係我老婆杯茶，我地同領隊講聲，想出去行下，離開了鑽石中心。
我地去左附近的超級市場買生果，有蘋果啦！
仲有士多啤梨添！好平呀！
食飽飯，再出左去行左一陣。阿姆斯特丹的交通燈好特別的，下面較細的一組係俾駕單車人士睇的！
我地一路行，不經不覺返左出阿姆斯特丹堤壩廣場！途經附近的咖啡店。
到達堤壩廣場附近，一間頗大的精品店。尋日雖然來過，今日睇下有無收穫。見到一盆盆的木製鬱金香，老婆又想買喇！
有關「XXX」的紀念品。我老婆買左對紅色瓷器鞋。
經過一角，全部都係梵高的紀念品。
我老婆見到右邊個袋仔，好靚，又有梵高的名畫作表面，最緊要係平 --- 7.5歐元！即買！我就買左一張梵高名畫的Poster --- 「花瓶裡的十二朵向日葵」，4歐元！抵！
今日滿載而歸，今晚仲有得睇歐聯 --- 曼聯對拜仁慕尼黑！正！
沒有留言:
張貼留言