歐洲英法比荷四國遊の第五天(下)

阿姆斯特丹 -> 荷蘭Keukenhof花展 -> 阿姆斯特丹市中心

今次旅行的重點 --- 荷蘭Keukenhof花展！領隊見天氣好，今日先去花展！影靚相！未入花展會場前，經過附近的農地，見到處處都仲係綠色，心知不妙，唔知仲有無鬱金香花田睇添！

黎到門口，希望裡面有得睇啦！響門口影影鬱金香先！ 我同老婆都懷著期待的心入場的！

一入場，經過的花圃，大部分都仲係綠色，即係未完全開花啦！失望！

入到室內的花圃，我同老婆立即精神哂，因為有好多唔同品種、唔同顏色的鬱金香盡在眼前！

d鬱金香分一個個section擺放，有唔同的顏色，非常艷麗！我同老婆就唔講咁多，不斷影相！

花圃中仲布我老婆最鍾意的紫色繡球！靚！

梗係要同老婆影張相先！

其中見到一種深紫紅色的鬱金香，深到近乎黑色，好特別，好靚！

其實d花的品種多到唔識分辨，我同老婆只係不斷影、不斷影！

睇落係好多花，但係其實不太震撼，因為我地想見到的，係好似我地響日本富良野的花海一樣，遍地鬱金香呀！今次只係見到室內的花展！我開始有d失望喇！

原本我仲想逗老婆開心，因為老婆的最大願望係來荷蘭睇鬱金香花海，今次都睇唔到！我老婆返過來安慰我，話今年的時間太早，所以未曾開花呀，叫我唔好失望添！佢仲叫我幫佢影多d相呀！好難得老婆咁體諒！謝謝你！

出室內花圃行行，都幾靚的環境！人不太多，好舒服！

在風車附近遠眺，見到一片花海，雖然只有黃色，但我地都覺得滿足了！

相比於香港的花展，荷蘭我花展可以讓我悠閒地影相，可以用自己喜歡的角度去慢慢影，唔怕會阻住其他人影相！呢兩張相係我比較滿意的作品，用部傻瓜機都影成咁，又無用software執過張相，算係咁喇！

另一張我的滿意之作 ---「 風車下的鬱金香」！我老婆話張相好似 Postcard D 相，嘩！多謝哂！

到處行行，雖然花未曾盛開，但都令人心曠神怡！

上次睇到影相發燒友教我地用低角度向天影相，效果好得意，今次決定「訓哂身」試影，效果都幾好呀！我地幾滿意！

由高角度影的就係咁樣喇！

由室內影到戶外，又由戶外番室內影過！

我老婆想睇多一次咁多鬱金香，好啦！陪佢睇多一次啦！

好喇！要到另一邊影下相喇！公園中的一角，靚！

湖畔的黃色小花，靚！

湖畔的紅色小花，都靚！

草地中的鬱金香花圃，都靚！

其實我唔係好滿意的，我都知道老婆有d失望的，但睇見老婆仍然享受這行程，我都覺得完成了老婆的心願了！

幾過三個鐘的花展行程，離開Keukenhof，去阿姆斯特丹的市中心行下。

見到海城大酒樓，係「古惑仔」的拍攝場地。

領隊帶領我地去紅燈區(色情場所)「見識」下，就係響呢條街向前行，遠遠見到紅色燈的地方。我同老婆見到d店舖櫥窗的大玻璃前，有一個個著三點式的「櫥窗女郎」賣弄風姿「搵顧客」，我同老婆愈行就愈唔平安囉！我地仲有幾個團友行左一陣就走左去食晚飯喇！

出來大街，又見到荷蘭另一「特色」 --- 大大個櫥窗，有不同的種子，起初我老婆唔知係乜．．．

舉頭一望 --- 唔識英文都識中文字啦！係賣大麻籽的！原來在荷蘭吸食大麻係合法的，但只可以在這些指定的大麻店內吸食。

d大麻籽仲「明碼實價」添！我同老婆又覺得內心唔平安！都係快快去搵野食先！

由於時間急趕(又係司機要「趕住」返酒店，領隊只得一個小時俾我地食晚飯！！！) 最後我地求其搵間店舖食 Pizza！

好啦！今晚在 Tulip Inn Amsterdam Riverside住，仲有得現場直播睇巴塞隆拿的美斯入四球贏阿仙奴 4:1 添！