歐洲英法比荷四國遊の第四天

布魯塞爾大廣場 -> 撤尿小孩像 -> 布魯日 -> 荷蘭鹿特丹


今早都八點才起床，都幾好訓呀！一早起床就見到日出，心情都開朗d！

房間都算ok的！

酒店位於山上，都幾荒蕪的！

酒店對面有一塊草地，應該係一個牧場，仲有架風車添！

今日行程都算輕鬆的，第一站係布魯塞爾的大廣場(Grand Place)。被譽為歐洲最美麗的廣場。我地一見到就嘩嘩聲，地方唔大，但真係好靚！

當時遊人唔多，梗係要影下相啦！

建築物好有特色！靚！

呢間就係著名的布魯塞爾市政廳！

布魯塞爾大廣場真係唔算大，但真係好靚的！

街燈映照下的布魯塞爾大廣場，靚！

布魯塞爾市政廳，又影！

廣場中的Coffee Shop，又影！



跟住我地去布魯塞爾必到的景點 --- 「撤尿小孩」銅像(Manneken Pis)。同老婆影張合照先！

附近有間賣Waffel的商店，d waffel好香！

全部商店都一定會賣撤尿小孩的擺設。

我地去左其中一間商店，六盒比利時製造的朱古力，都只係9.9歐元，超抵啦！

去到Godiva，梗係要買買一d特別的口味啦！我地就買左呢一pack，裡面有8條唔同味道的朱古力，多謝16歐元！

途經一個商場，我同老婆都覺得個入口好靚！



經過著名的聖米歇爾教堂。

難得裡面正舉行崇拜，順便影兩張相先！

好喇！離開布魯塞爾，到另一城市 --- 布魯日(Bruges/Brugge)。

一入布魯日古城，已覺得風景好靚！好有特色！布魯日已列入聯合國的文化遺產， 而布魯日的荷蘭語意思解作橋，市內有超過五十座橋，有北方威尼斯之稱。

途經處處都係河同橋，真的好有威尼斯feel！

著名的布魯日鐘樓(Belfort)。

終於到達布魯日廣場，同布魯塞爾大廣場真係好唔同。我同老婆都鍾意布魯日廣場多d！因為大d、又colourful d！

布魯日著名的係石阪小街，好有特色。

經過一間芝士店，款式多到呢！我老婆就最鍾意的！

d人鍾意搭馬車參觀，但我同老婆想行下、睇下、影下相囉！

河的景色真靚！有機會一定要試下搭船，欣賞兩岸的建築！

又係朱古力店！不過係名牌的！好貴呀！

我地見到一間玩具店，入內見到好多旋轉木馬的玩具，但一d都唔平的！呢個要港幣$3,000呀！

途經歐陸風情的 Pizza Hut 。

我老婆見到一間Hand-made的朱古力店，好想買d試下！又唔貴，4.25歐元，好啦！試試先！嘩！真係好香的！好味，值得推介！

要離開布魯日這美麗的古城喇！臨走前，有團友推介呢款朱古力，有成一米長的，又唔係貴，14.5歐元一盒！團友都爭相選購！

臨走前影多幾張布魯日的美景！我同老婆都超鍾意此地！

好喇！要離開比利時，向下一國 --- 荷蘭的鹿特丹(Rotterdam)進發。不料這是惡夢的開始！

個司機叫Luciano，係意大利司機，又唔識講英文，之前同領隊已經有幾次爭拗的！又唔識入布魯日的巿街，兜左幾個圈，領隊唔想我地再浪費時間，便在離巿街很遠的位置落車，行半個鐘先到餐廳食午飯。

之後，由布魯日去荷蘭鹿特丹這段路，經常入錯線、出錯公路的出口，已經浪費左唔少時間喇！算啦！又自我中心，成日唔跟GPS建議的路線行，又開得慢，響公路「專登」用龜速80km/h行駛！去油站入油都入左兩次，第一次就話張card 唔work，結果都無入到油，第二次再入，張card都係唔得，領隊提議佢搵油站職員幫手，佢都仲要試多十分鐘先至罷休！

結果一段兩小時的路程，足足行左三個半鐘頭！離哂譜！

去到鹿特丹都已經晚上九點！我地仲未食晚飯的！點知呀司機「大佬」話，佢每日只可駕車十二小時，即係晚上九點要收車返酒店！我地都未食飯的！點算！

領隊唯有叫司機先送我地回酒店，取了房間，入房休息一下，領隊自己就到餐廳將晚飯打包，然後送返酒店。在酒店無聊，影影酒店外的夜景先！

終於嘗試了第一次 --- 跟團要食飯盒！！！

呢次經歷認真難忘！！！再一次俾我同老婆覺得歐洲的工作態度與日本人真的很大分別！！！