經過著名的瑪德蓮教堂(La Madeleine)，又影影！
到達了我地想去的另一景點 --- 協和廣場(Place de la Concorde)。協和廣場中央聳立1831年由埃及總督穆罕默德˙阿里贈送法國的拉美西斯二世方尖碑。遠望巴黎艾菲爾鐵塔(La Tour Eiffel)，好想影張靚靚的相，可惜天公不造美喔！
協和廣場附近的國會大樓，都好靚的！
正當的在協和廣場影相時，老婆忽然好興奮話：「我見到凱旋門呀！」我想：「有無搞錯！凱旋門仲要行好遠！」舉頭一望，真係見到遠處的凱旋門呀！咁靚的情境，梗係又影相啦！
其實我老婆唔係好鍾意d建築物，佢好想去巴黎的LV同Gucci行下就算喇！咁我就想同老婆行過去蒙塔涅大道(Avenue Montaigne)，因為蒙塔涅大道有好多名店的。我地往凱旋門的方向行，見到小皇宮(Petit Palais)，都唔算小了！
其實我地都唔知行緊條街叫乜名，只知道兩邊有公園、有好靚的建築物、有好多好多商店添。行行下見到我鍾意的Adidas，入去睇睇先！
一入去，嘩！兩層高的商店，有好多好多product呀！樓梯上擺滿近10屆世界杯官方比賽用的足球，仲有2010年世界杯的官方足球 --- Jabulani ，真係第一次見的！
行左咁耐，條街仲係好長，行極都未到凱旋門，之後我地先發現，原來我地行緊的就係香榭麗舍大道(Avenue des Champs-Elysees)！！！行左咁耐先知！蠢！
行到接近凱旋門，見到女性的「朝聖地」 --- LV總店！！！門口排哂大隊啦！
唔入LV住，行過凱旋門先！見到匯豐銀行。
幾經辛苦先到達凱旋門！是但搵個路人甲幫我地影張相，都OK啦！好野！到凱旋門一遊！
影完相，返LV行下！門口仲係排緊大隊，我地都入左去一轉！嘩！不知幾多華人揀緊貨！
我老婆比較鍾意Gucci同Agnes b，所以先同佢搵在佐治五世大道(Avenue George V) 的Agnes b 專門店，發現款式不多，之後再轉戰蒙塔涅大道(Avenue Montaigne)的 Gucci，發現唔係咁鍾意D款，算吧！
行到塞納河邊，終於可以迎距離見到艾菲爾鐵塔喇！又搵路人乙影張合照先。
塞納河的景色，靚！
影完相，行多一次Gucci，再番LV總店行左個圈，老婆決定買個LV袋！雖然店內有好多國內人買袋，但我同老婆都覺得d歐洲人唔係好願意「招待」中國人，對歐洲人同亞洲人的樣貌總係有d唔同的！
買完LV已經係晚上七點，我地要八點半在塞納河邊等導遊帶我地遊船河，我地就「求其」響香榭麗舍大道一間意粉店食晚飯。本來開開心心去食晚餐，結果換來一肚氣！我老婆好想在歐洲食意粉的，但我地一入去餐廳，waitress只輕描淡寫地叫我地上三樓，我地上到三樓，見時間唔多想快快趣order食物，個waiter明知我地想order野，但眼尾望一望，然後就叫我地等一等，之後就繼續做自己d野 --- 整理餐具！！！等左三十秒，我見勢色唔對，立即拾野走！起初我老婆唔知我做乜，以為我發佢脾氣，我講番俾佢聽件事，佢都覺得餐廳的職員「歧視」中國人！攪到我地要食多一次麥當奴！仲要外賣添！
行番去到塞納河邊等導遊，已經係八點喇！導遊約我地八點半，我地食飽麥當奴就企響處等．．．等．．．見等得耐，去影張艾菲爾鐵塔夜景先！都好靚的！
等呀等，導遊同團友要九點先出現！我地梗係「乍形」啦！又累、又落雨、又眼訓，我同老婆都無心機欣賞兩岸的景色，坐入船內休息休息！
經過一小時的船河，我同老婆見得最多的就係雨水！總之今晚就超累、超凍、有D唔開心!
係yahoo見講瑞士就入左黎 之後睇到英法比荷呢一篇 突然發現到我自己既背影……=0= 你係咪都係跟Terence去旅行既朋友仔呀？@@ [版主回覆04/13/2010 21:24:00]heehee！ 你認唔認得我同我老婆件衫呀！ 你收到張相未呀？！
回覆刪除Paris!!! I like it too!!!! Your photos make me to plan to visit it again! [版主回覆04/13/2010 21:25:00]Heehee, thanks for your browse. Paris is one of the place I like but my wife doesn't like wor !!!
回覆刪除Oh! so sad! When i visited Paris, my wife was sick. However, market in Paris is a very nice place for walking. [版主回覆04/13/2010 21:44:00]Yup, I agree, Paris is a beautiful place, but we'll say in my blog that wehave some bad memories in Paris. Please notice our blog later, ok?
回覆刪除哈哈，認得呀 張相我有收到~ 好羨慕你地d旅行相影得咁靚 btw，對我黎講成個行程既bad memory只有luciano 希望下次去意大利旅行唔會遇到佢咁樣既人 [版主回覆04/13/2010 21:54:00]你好呀！但你可否講下你係邊個呢？ 我同老婆有幾個唔開心的經歷呀！等我地得閒寫好個blog，你就知道喇！ 其實你都知我都係用部「傻瓜機」影下相，d相都ok啦！唔係好靚咋！ Luciano真係全程中的「焦點」！我真係好想鬧佢的！ 好開心響個blog認返d團友的！ 期待你的回覆！
回覆刪除我驚我講左你都唔記得我係邊個咋…… 我同我妹一齊去架，我係著白色羽絨個個 係大英團體相入面第一排 唔係好靚……已經靚過我影既好多~>< 介唔介意我post係facebook度，叫其他團友黎睇相啊？xD 好一個「焦點」……我真係想鬧到佢燶~ 睇BLOG搵返團友，我都覺得好神奇~ [版主回覆04/13/2010 22:19:00]oh，i see！ 我認得你地呀！ 我地梗係唔介意你post上facebook啦！ Luciano，我一定對呢個名無好感囉！ 其實真係好有緣的，好開心可以響呢個平台與你聯絡呀！
回覆刪除Wow, your fotos are so gorgeous : > Paris seems very attractive from your pics. How much does it cost for one going to this trip? (Europe is a nice for awaiting and travelling ) [版主回覆04/15/2010 09:57:00]Thanks for your browse. Paris is a nice place to go, the scene is very romantic, but we have got some bad experience. It's not expensive, especially not at the peak-time.
回覆刪除做乜唔早d講會去法國呀 我要買lv呀 [版主回覆04/20/2010 19:58:00]你早講吖嘛！ Sorry囉！
回覆刪除你們很幸運 如果一個星期晩的話、可能受到冰島火山爆發。 艾菲爾鐡塔的夜景非常美麗。 今年九月我打算去比利時。 所以我很期待以後的歐洲遊記！ [版主回覆04/20/2010 21:52:00]本当の幸運と恩に感じること！ ベルギーは１つのとても静かな国家で、とても心地良いです！
回覆刪除嘩, 個行程寫得好精彩呀! 仲有, D相影得好靚呀! 我都係你地同團既團友, 估下我係邊個.... hohohohoho BTW, 自從有左FB之後都好少寫BLOG, 所以真係好佩服你! [版主回覆04/21/2010 06:25:00]謝謝你的瀏覽和讚賞。 我知道你係邊個，因為我都可以睇番你的profile，heehee！ 我地寫blog的其中一個原因，就係好想將自己的旅行遊歷向其他blog友分享同交流，我地都去blog友的網頁中尋找到好多有用的旅遊資料呀！ 有空的話多多交流吖！
回覆刪除