日本九州特色之旅の第五天

九州鐵道記念館 -> 門司港 -> 八幡 -> 福岡北九州機場

尋晚好好訓，因為又有溫泉浸！今朝一早起身，見到酒店窗外，心知不妙，因為好大雪，駕車道路容易塞車！

好，食飽早餐，出發去門司港。不出我所料，條路大塞車，又唔可以上高速公路，慘！

途中見到日本的工廠，我老婆叫我快快趣影低，因為好似「明日之後」咁，全個畫面只有灰色同白色！

睇下路邊的雪有幾厚？！我睇呢張相時，唔係用相機的「黑白Mode」的！

沿途又見到九州鐵道記念館，好大雪呢！

好，過左一個半小時，終於到達目的地 --- 門司港。我地都唔係未見過落雪，但係今次真係落得好大好大，連導遊都話「此地不宜久留」，我地只可以急急腳影相！

上車後，導遊覺得勢色唔對，提議我地唔去其他景點，包括關門橋、赤間皇族神社及日清和談記念館，因為擔心上本州仲塞車！好，雖然可惜，都要折返！去八幡Aeon購物城食飯同Shooping啦！

我地隨意入一間壽司店，起初都唔覺得間壽司店有乜特別，但睇真D，原來當我地Order左野食，佢會用一架「新幹線」列車送壽司俾我地，勁先進！

我地覺得全程最好味係呢餐，因為夠「新鮮」！Daddy好鍾意個魚頭湯，又平又足料，又鮮味仲有好多配料，正！

好，食飽又係行商場的時間，總好過出外睇落大雪呀！其中梗係有我最鍾意去的Toys "R" Us啦！搵到日本版大富翁呀！即買！

響日本行商場，當然會見到賣海鮮啦！Show 下先！

行左一個鐘頭左右，夠鐘搭車去機場喇！去到福岡北九州機場，見到出境處的位置，竟然有「銀河鐵路999」主角響Information Counter 做 Customer service，咁難得，立即影！

臨走時胡亂逛，竟然俾我地見到日本出產 --- 雞泡魚！哈哈！

上機前影老婆同Daddy的背影，我覺得全程影得最有Feel的，就係呢張相！勁正！

飛機飛17:20，19:45到達香港。返到香港，我同老婆異口同聲話：九州，we will be back！