吃喝玩樂遊曼谷の第一天及第二天

SuperRich 兌換店 ->  Central World 、Zen -> Big C 超級市場 ->

The Platinum Fashion Mall -> HealthLand Spa -> Siam Paragon

自從2006年8月第一次去泰國曼谷，立即被曼谷吸引，2006年12月聖誕節急不及待要去多一次！今年聖誕節，又好懷念去曼谷relax的日子，於是我同老婆又計劃第三次去曼谷旅行喇！

有d朋友問我地，去咁多次曼谷，不如去下泰國其他地方啦！但唔知係我地懶，定係我地太鍾意曼谷，我地試過搵其他泰國的地方，但最後都係選擇曼谷！哈哈！

好，我地選擇12月26日晚出發，機票包稅每位 $2125 ，另外book多兩晚酒店每位$680 ，都唔平的！旺季，無辦法啦！

我地坐阿聯酋EK385，香港飛26日22:25，到達曼谷大約27日00:05，我地一落機，響機場兌左少少泰銖頂住先 (個rate: 4.21)，就嗱嗱聲搭的士番apartment訓覺！

遲d先介紹我地「御用」的apartment。

今朝我地上午八點半左右已經起左身，除左要早d出發活動，最重要的係因為apartment提供的早餐至上午十點完畢，所以就要食左早餐先至出發。

食飽，出發！我地apartment響 BTS Saladaeng 站同 MTR Silom站中間，都好方便的，行過去5-6分鐘左右啦！好，先去我地的第一站 --- Chitlom 的 SuperRich 兌換店，換泰銖！好多香港人都去 SuperRich 兌換，因為真係兌高少少的(個rate: 4.32)！

好，入滿彈藥，出發掃貨！先去Central World 同 Zen 行下商場，見到d袋幾得意呀！我老婆就急不及待去左 NaRaYa 專門店買袋喇！

 

今次好relax咁行 Central World，見到有好多間裝修別緻的服裝店，靚得好緊要！我影左幾間，香港d店舖真係要學下啦！

商場的天幕都幾有型的！

幾個 model 著 d 衫幾靚！

今次來到泰國，見到商場內已經有好多創意design出現，真佩服泰國人的想像空間！我老婆見咁過癮，玩埋一份！

Central World好大，行左成個鍾頭，大約上午十一點半左右，見有d肚餓喇！搵o野食！起初我地見呢間都幾吸引，pizza 加意粉加汽水，149銖，抵！

不過見對面有一間幾大的舖位，好似食回轉壽司的，好，過去睇下！

「唔睇由治可，一睇把幾火」！立即入去食「火鍋」！呢間唔係一般的火鍋，係一人一鍋！仲有，d火鍋料係放響回轉帶上的，細細碟，又多款式，正！

我地唔駛十五分鐘已經食左咁多碟喇！勁！埋單兩位共$512銖，即港幣$120，ok抵！

食飽飯，再響商場行多一陣！一個鐘後，我地離開 Central World ，望望對面就見到 Big C 超級市場，超大間的！不過我地會等最後一日先來「掃貨」的！

行下行下，我老婆見有d累，我地見有間我地的「至愛」Swensen's，立即叫左一杯凍 Mocha 同一杯凍 Cappuccino，超級好味！一杯只係$55銖！抵！

之後我地去左 The Platinum Fashion Mall 買平價衫。裡面有幾層，全部都係賣衫，我老婆最鍾意的就係民族服飾，梗係要掃下貨先！不過佢今次都幾忍手，因為佢想買d「精品」喎！仲有遲d響 JJ Market 仲有排買啦！

行左個半鐘，我地要離開 Platinum喇！因為我地要去 BTS Chong Nonsi 站的HealthLand Spa 做個半鐘Aromatherapht Body Massage ，加腳底按摩一個鍾，兩個人共$2200銖，每人港幣$260，抵！ Massage 勁舒服，我同老婆都想再日日按摩呀！

按完摩，去食野先，我地搭 BTS 去左 Siam Paragon 的 food court 食飯，我老婆叫左佢最鍾意的泰粉食，40銖，即港幣$9，勁抵！

好，食飽就梗係行下商場啦！行到晚上九點半左右，番Apartment先！我地好鍾意響間Apartment住的，總係有d原因的！