吃喝玩樂遊曼谷の第三天

Asok -> Central World -> Let's Relax Spa ->

魚昌日式料理 -> Suan Lum Night Bazaar

尋晚十分好訓，今早八點半左右起身，精神哂！

點解到依家先介紹 Apartment 呢？！因為今朝要左影幾張相，先至可以介紹得呀！

間 Apartment 叫 Urban House ，係一個響美國留過學的泰國女仔開的！全屋得五間房，好難 Book 的！點解？睇下我地住間 Suite 有幾正先啦！六尺大床、梳妝台．．．

 

兩個大衣櫃，超大！

仲有仲有，有個廳同廚房仔！一應俱全！價錢呢？$1320銖一晚，即係港幣$300左右！係咪超超超抵先！

好，住左兩晚「御用」的 Urban House ，食完早餐後要「搬屋」喇！我地要去響香港book左的酒店住兩晚。間酒店叫 Grand Millennium Sukhumvit Hotel ，響 BTS Asok 站旁。聽聞間酒店開左無幾耐，我地梗係想試下啦！

一入房，又係一個字 --- 「嘩」！有無搞錯！個浴室有兩部分 --- 坐廁可以關門；外面有個浴缸，有兩塊玻璃對面有個花灑企缸，駛唔駛咁「豪」呀！仲有，右邊的電視係 LCD Mon 就無乜特別，奇就奇在響廁所有兩個喇叭播放電視機的聲音，真係可以一邊響浴缸浸浴、一邊睇電視，仲可以聽得好清楚添！張床就梗係大啦，最勁就係前面有張四尺長的玻璃寫字枱，勁！

睇見個浴室就笑喇！我同老婆都未見識過咁「豪」的浴室！

好，check-in 完畢，食午飯！我地又番左 Chitlom 的 Central World 食，原因係我地想去番我地另一間 Favourite食飯！先同泰國版麥當勞叔叔影張相先！

我地響 Fuji Japanese Restaurant 食，因為d野食又新鮮，又算平！睇下我地又食刺身、又食定食、又食烏冬，都係$670銖，即港幣$155，抵！

食飽飯，梗係要嘆下啦！我地一早Book左 Let's Relax Spa ，叫左個Package ( Foot Reflexology 45mins, Body Scrub or Body Wrap 1 Hr, Aromatheraphy Oil Massage 1 Hr, Back and Shoulder Massage 30 min) ，每人$2250銖，即港幣$530，都算ok抵啦！

好relax呀！正！做到下午六點半，又食晚飯喇！我地又係去「我的至愛」！ 今次去魚昌，又食魚生啦！

我地的favourite： 左邊的係牛舌刺身，$260銖，好好味！右邊的係刺身拼盆，$420銖，抵！

仲有我鍾意食的「鰤兜煮」，即鰤魚頭，$560銖！

我地仲叫左幾他野，埋單共$1960銖，即港幣$455，都幾貴的！豪一次啦！

食飽飯，我地去左 Suan Lum Night Bazaar 行夜市，買左兩個鎖匙扣，我同老婆一人一個，勁靚！仲有，我老婆買左個民俗袋同一條好靚的頸鍊！
今晚早d番酒店relax下先！