吃喝玩樂遊曼谷の第四天

Chatuchak (J. J. Market ) -> MBK Center  -> Chitlom

今朝十分精神，因為尋日有去做 Massage 外，仲有係尋晚真係訓得好！張床好舒服！
今日唔會太早起身，想 relax d呀！起身食左d野，就出發去今日的重點 --- Chatuchak ，即係 J. J. Market 。

要去 Chatuchak ，我地會搭地鐵去 Kamphaeng Phet ，因為出口就響 Chatuchak 旁邊，近好多！

我地上午十一點到達 J.J.，響 J. J. 行左 四、五個幾鐘，但係我地唔係買左好多野，因為老婆話要買「精品」，佢只係買左兩件衫、一個非洲鼓、一個木製鐘、同一件Tee，比之前狂買的少好多！我地最鍾意響 J. J. 食泰式河粉，食左兩餐添呀！

行到下午四點左右，我同老婆覺得實在太累，於是我地又去多一次 HealthLand Spa 做 Massage ，嘩！今次仲 relax 呀！個技師d手勢真係令人 ...... 回味無窮！

做完 Massage ，我地決定去 MBK Center 行商場。其實今日都行左好多路，所以都係去上次我老婆買鞋我地方，搵下有無收穫。好彩都買到一對靚鞋啫！

響 MBK 地下的一習，見到一間畫室，睇住d畫師專注繪畫，其實都畫得幾靚！

呢幅素描真係畫得好靚，至少我同老婆都覺得靚絕！

呢間畫室經常有好多人睇住d畫師繪畫，應該都幾出名掛？！

我地響 MBK 的 Food Court 食左少少野，因為唔係好肚餓！但係我地經過我地的「至愛」--- Swensen's ，我地又好「為食」，叫左兩個雪糕！$158銖，即港幣$37咋！超級抵！

呢個雪糕蛋糕重四磅，只係$750銖，港幣$175，抵到爛！

經過曼谷的 Hard Rock ，竟然見到泰王張相！

逛下食下，已經晚上九點半喇！響 Chitlom 附近，有個露天的音樂會，好熱鬧呀！

今晚我地買左樽可以沖泡泡浴的皂液，今晚立即試下浸個泡泡浴先！