日本九州特色之旅の第一天

鹿兒島機場 -> 鹿兒島

又到農曆新年，大家都想繼06年一齊去北海道、07年去台灣之後，今年再去日本。唔知點解，日本既魔力係極吸引的！

其實我地唔係早左好多去旅行社報名，不過團費都唔算貴，全包約$8,000以下，響農曆新年黎講，算真係好鬼死抵喇！我地後來知道旅行社每位加左成$2,500至$3,000，好「昆水」！
平d梗係有原因的，今次我地係搭中午機，第一日「蝕」左俾佢，哈哈！

第二，個團平係因為乘搭香港航空的機，會再平d添！

好，出發！架機中午12:45起飛，所以經過的地方都會睇得清楚，唔會好似「凌晨機」，黑忟忟，乜都睇唔到！就到達日本時，架機低飛時經過一d山脈，拿拿聲影低先，無乜幾可！

約下午5時到達鹿兒島機場，去到都要食晚飯啦！又「Being昆ed」！好，睇下個機場check行李的counter幾多人先！你地無睇錯，下午五時的鹿兒島機場係咁樣既！

入境後上車去食飯！好，第一餐係自助餐，求其叫d野食住先，因為Daddy Mammy同老婆話，想留番個肚出去食拉麵，ok！

其實d野食唔差，係選擇少d，都幾好味！

好，食完晚飯，番酒店check in。今晚住的酒店叫鹿兒島京盛溫泉酒店，check in後立即去浸溫泉先！呢間酒店的溫泉有d特別，就係可以男女著住泳衣，一齊浸溫泉！正！我同老婆、仲有Daddy Mammy可以一齊浸溫泉呀！勁開心！我地好enjoy一齊浸溫泉的時間，落住小小雪，一路響室外浸溫泉，外冷內熱，勁正！最開心係一邊浸溫泉、一邊傾談，好relax，好溫馨！勁推介！

浸完溫泉，立即同Daddy Mammy出去食拉麵！冬天夜間鹿兒島的街上好少行人，因為一個字 --- 凍！行左約15分鐘，見到的途人唔夠20人，條街好寧靜，好舒服！來回酒店同拉麵店呢段路，係我地四個人最深印象的，我地之後仲經常講番呢段路有幾正、有幾舒服同幾咁寧靜添！

求其入左一間拉麵店，求其order左幾碗拉麵，見人地食得咁開心，好，一於試試！
日本的餐廳好特別，無論外面有幾凍，食野時都會俾冰水俾你飲，嫌你唔夠凍，想凍死你咁既款！我同老婆的大頭合照先！

我order的鹿兒島拉麵，d麵都幾好食，係個湯肥左d！

睇下我的「戰績」！勁！

好，食飽飽，番酒店休息！又經過寧靜的小街，路邊有兩排積雪，人少車少，舉頭又望見好多星星，呢d祥和的心境，響香港邊度有呀！勁享受！正！