日本大阪和歌山初體驗の第四天

日清拉麵發明記念館 -> 神戶 -> Mosaic Garden -> 大阪 -> 心齋橋

一早起床，在大阪Bay Tower的頂樓食早餐，別有一番風味！遠看大阪的市內景色，居高臨下，好Grand、好feel！食d早餐都開心d！

今日出發，先去日清拉麵發明記念館，睇下全日本第一包即食麵係點樣的！響門口見到的係安膝百福像，係發明日清即食麵的人！幾威！

入到展覽館，最期待的係睇到1958年出產的第一包即食麵Sample，嘩，d麵有成50年，仲未壞咩？！

響呢個角度影相，係唔係好似入左時光隧道呢！我地見到都覺得好震撼，因為真係有好多唔同時候出產的即食麵或杯麵，大開眼界！

入到場館，其中一項活動就係讓我地自製杯麵，選擇自己想食的配料及湯味，並且在杯上畫圖案，我地可以設計各式各樣的圖案，加上顏色及文字，好好玩！之後我地響個大杯麵前「粉墨登場」，手上拿著的就係我地design的杯麵，全世界只得一個，好珍貴！

呢個係日清的吉祥物，響香港未見過，幾大影番幾張相先！

行左成個鐘，又整杯麵、又買紀念品、又影相，收穫豐富！影下個門口先！

途經阪急池田站，又影兩張先！

離開日清拉麵發明記念館，去下一站 --- 神戶。在車上影的神戶電視台發射塔。

其實，去神戶最主要參觀的景點，係神戶地震碼頭。1995年神戶發生7.2級地震，造成相當多人傷亡(官方統計有6434人死亡，43792人受傷，房屋受創而必須搬遷到組合屋暫住的有32萬人)。

呢個係「廣域避難場所」，當發生地震時，市民可以到廣域避難場所避難。一般的廣域避難場所都係平地、公園或球場，附近唔會有太多高樓大廈的。

呢處係神戶地震碼頭中，其中一段受破壞的地面。我地睇到地面的裂縫，都知道當時地震的破壞力布幾大！

綠色的鐵欄係地震發生前的設施，我地見到地震的破壞，好深印象！我老婆仲叫我影多幾張相做教材添！

見到d燈柱嗎？歪歪斜斜！雖然地震碼頭剩下的遺址唔多，但我地都可以感受到當時的情況有幾嚴重！

行左一陣，自由時間！好，去附近的Mosaic Garden行下先！

裡面有一間好出名的甜品店，聽聞話好好味的！好，是但叫左兩個甜品，我老婆話好食到呢.............. 超回味！

行左一陣，又夠鐘上車喇！忽忽影下神戶港塔及神戶海洋博物館的外貌，沒有機會「近觀」！慘！

影埋附近的教堂先！幾靚的！

好，又出發！我同老婆都話，有機會的話，一定要再來神戶，因為仲有好多地方未去的！

經過一小時的車程，到達大阪的心臟地帶 --- 心齋橋。先要影影心齋橋的地標 --- Glico招牌！哈哈！

呢間壽司店亦好出名的，隻「巨蟹」幾大隻！

呢間就係其中一間好出名的拉麵店 --- 金龍拉麵店。睇下條龍幾有型？！我地見唔多客人，時間又係下午三點半，雖然唔太肚餓，幾大入去試下d拉麵先！嘩！十分好味！值得推介！

行下行下，見到我地響香港的其中一間「飯堂」 --- Italian Tomato ，太飽喇，無入去食！影下相就算！

行下，影下相，買下野，忽然見到電視台採訪個日本學生妹，雖然我唔想打擾佢地的訪問，但我見咁難得，又幾大影低先啦！

行左成兩個幾鐘，腳仔軟啦！你睇，愈夜愈多人呀！幾熱鬧！

好，番酒店休息先，因為明天的行程係好Surprise的！