日本東京自由行の第四天

東京迪士尼樂園

尋晚十分好訓，一來好累，二來我同老婆都好鍾意間酒店，因為好靜，訓得好舒服！

今日終於去迪士尼喇！成日聽人講，日本個迪士尼有幾好幾好玩，我同老婆都期待的！搭JR 到東京，再轉去舞浜站，都幾遠的！

今日天晴，心情都靚d！由 JR 站行去入口，沿路都好多人，嘩！終於見到迪士尼喇！超開心！

入口有一個好大的花園，砌左隻米奇樣，十分可愛！門口有列車繞場一周，我地都係想行下玩下先，有時間先坐列車！

行左一陣，D 迪士尼人物就出來同遊客影相喇！我老婆先同 Piglet 影相，佢好開心呀！

見到我的最愛 --- Winnie the Pooh ！ 不過佢好忙呀，唔得閒同我影相！不過，佢知我影佢，佢立即同我打招呼！

行過入口的花園，見到美國大街，有好多商店，我同老婆講，走時先睇啦！

去到城堡前，見到幾個「公主」的造型，睇下白雪公主的樣子，超級似故事書個樣！

未入來真係唔知，原來迪士尼都幾大的！

響城堡前，一定要影張相留念啦！

之後我地亂咁行，見到乜就睇乜，因為太開心喇！
我地見到一間 Winnie the Pooh 專門店，全店只賣 Winnie the Pooh and friends，我當然第一時間入去掃貨啦！

Honey ， Hunny ， Yummy ！

真係好 Fantasy，好似入左 Winnie the Pooh 的世界！

連收銀處都係設計成 Winnie the Pooh ！靚！

有愛麗斯夢遊仙境啦！超多人！

仲有小小世界！

呢間就係 Winnie the Pooh 的屋喇，入去參觀下先！

好得意呀 ......

睇下個廚房！幾得意！

其實睇 Winnie the Pooh 的身形，就知佢好鍾意煮野食啦！哈哈！

之後我同老婆去左揸車仔！日本迪士尼D職員仲主動問我地影唔影相，好細心！

玩完車仔，入左去玩巴斯光年，超好玩！想玩多一次，但太多人排隊，放棄左！

好，又周圍睇下紀念品先！

睇到下午兩點半，準時睇巡遊！D日本人好守規矩，好有秩序，佢地睇巡遊係會帶埋地蓆坐響地上，又唔會一個人霸幾個位置！之前都知日本人好有禮貌同秩序，今次親眼睇到，真係要講一個「服」字！

起初我地以為巡遊唔會好多野睇，但係睇下睇下，一架一架花車，上面有好多卡通人物，絕不欺場！

剩係睇架花車都靚啦！

胡迪呀！

高飛 ....

小飛象 ......

小木偶 .....

睇下米奇幾靚仔！

怪獸公司的毛毛 ......

巴斯光年 ......

米妮真係好靚！

巡遊約半小時，正當我同老婆離開之際，忽然見到奇景 --- 泊車 --- 泊「BB」車！日本人真係好守規矩的！幾整齊！

睇下個城堡幾 Grand ！

行下睇下，又見七個小矮人響處巡，我老婆竄入人堆中影左呢張相！

架遊輪好多人坐的，睇下算喇！

到下午四點三，又有第二個巡遊，呢個係有關公主的巡遊，D日本 BB女超級鍾意睇的！

睇下幾 Fantasy ！

呢個巡遊約十五分鐘，但都好多野睇，好靚！

睇完巡遊，又睇下d紀念品，我就好鍾意呢set 美女與野獸的杯碟喇！

行下行下，天已經黑了，我地終於玩到 Winnie the Pooh 屋喇！入口本書好大本！

入到去，坐住個蜜糖樽，轉呀轉呀！裡面好「迷幻」呀！

原來 Winnie the Pooh 響最後先現身咋！

玩完喇，出到來已經天黑哂，等七點的夜間花車巡遊啦！我同老婆都見過兩次巡遊喇，夜間花車巡遊應該都係差不多！點知一睇，嘩！好靚！唔講咁多，又狂影相！

巡遊半個鐘，我影左成二百張相！當然要睇埋夜晚的城堡景色，仲有要睇煙花啦！

雖然只係十分鐘左右，但係我同老婆都覺得好浪漫！原來響日本的迪士尼睇煙花真係好溫馨浪漫的！

睇完煙花，走喇！我地仲未夠喉，響正門外的商店狂買紀念品！

好，今日真係好好好開心，搭JR番酒店時我地仲不停地回味！