Mykonos -> Santorini (聖托里尼島)
一朝早，老公就急不及待影下酒店外的景色，因為今日我地就要離開米島了。
我地的房間，外牆及門都係貫徹始終的藍白色。
地下舖成同小街一樣的地板。
其他的房間。但呢D房唔係面向愛琴海的。
酒店的鹹水泳池。泳池邊有個minibar，下晏開始就會有好多外國人係度游水、傾偈、飲野。
房間內好簡約，一張真正的double bed(唔係兩張單人床合併)，好舒服，老公超讚!
老公影完相後，趁離開米島前，再落小沙灘游水。游水後返酒店食早餐、執行李、check out，真係好relax，完全唔想趕行程。酒店兩點鐘會有車載我地去舊港，坐船去Santorini，我地又有2個鐘頭行下，食個午餐。
快要離開米島，老公不斷係小街影相留念。
有網友話米島的屋缺乏自我風格，全都係藍白色。我諗這正是米島的獨有風格，要咁多人、商店、酒店一致配合，真係好難。我相信全世界只有呢個地方先有咁的景象。
返番去第一晚睇日落的餐廳，日間的人當然少好多。
可愛小狗。
又係小威尼斯。水清澈見底，一舊垃圾都冇。
又係米島的地標。
老婆﹕：影來影去都係呢D景，唔悶咩？
老公﹕：日都見到你，都唔悶啦，何況係D靚景！
老婆： ．．．．．．．．
又見到島主大人啦!今次走咗出嚟碼頭廣場飲水。
佢的風采依然吸引到好多遊人圍觀。
我地又搵咗間海邊餐廳食午餐。
薯仔 + 青口沙律。
Pork Steak，老公話冇隔離個間的豬柳咁好食。
食食下有個坐驢仔的伯伯過來，我請驢仔食咗件麵包，伯伯用希臘文講咗D野，我地聽唔明，無反應，佢就走咗。唔知係唔係唔應該比驢仔食麵包呢？
又係呢D....
同呢D....
及呢D..
靚景!
終於完成米島悠悠閒閒的三日兩夜。我同老公都好enjoy咁既行程。不過咁relax的行程只係可以係米島出現，如果去日本，我真係會攞盡所有時間去玩去食。
返酒店攞埋行李坐車落舊港坐船。舊港對面岸的風景。
去Santorini的船一般都會delay半個鐘。其實架船係準時來到米島，只不過落客及上客花了半個鐘的時間，咁未delay囉。碼頭好多人等上船，日頭好曬，由到碼頭到等上船差不多企咗個半鐘，人都曬燶。
我地仲好驚架船遲好多，趕唔到去聖島睇日落。又驚到碼頭就好似之前咁冇人接我地去酒店。感謝 神!架快船只係用3個鐘就到達聖島，落船後即刻有人舉起寫住老公名字的牌，有人接我地呀！
由於我地住的係洞穴屋，係冇酒店車接載我地，所以洞穴屋老闆幫我地book了架的士，由碼頭載我地去Oia，雖然要成€30，但係為咗唔想煩及盡快去睇日落，所以照book。點知接我地既係架minibus，我地好驚上錯車，問左好耐，冇錯。原來架車除咗接我地之外，仲要接兩個韓國人，而佢地就一早上了車。老公話我地已經用最快速度落船，點知有人仲快過我地，我地唔駛等，齊人即刻開車，真係感恩！
由聖島的新港去 Oia 係要坐約40分鐘的車，沿途先要經過山崖。
往下望就係新港。
進Oia的途中。老公一直好期待......
洞穴屋的老闆一早係Oia巴士站等我地，幫我地攞行李及帶我地去洞穴屋，左穿右插，沿途老闆不斷提我地要認住D路，驚我地迷路。
返到我地的洞穴屋，哇！以下就係我地屋前的靚景！
又有小貓迎接我地!
急不及待坐係屋前影張靚相先。
我地間小屋的頭頂就係Oia著名的藍頂教堂。
小屋好寧靜，只有小貓悠閒咁玩。
好得意，真係好羨慕佢可以住係一個咁靚的地方。
雖然將近日落，太陽光已減少，但老公忍唔住不斷影相。
擾攘一陣後，爭取時間去看每日都上映的Oia日落。老公仍然要邊行邊影....
呢個景，就係好多名信片及油畫的景象，就係我地的洞穴屋上面。
沿途好多人都朝同一方向走，目的係要搵個睇日落最靚的位置。已經有好多人等緊....
我地終於走到一個睇日落的最佳地點，但已經有好多人佔據有利位置。好不容易及好感恩地有個外國小姐借了個小位置比老公，而咁啱有兩個外國人又走開比我可以坐係老公的附近，真係正!有個咁好的機會，老公仲唔不斷影......
Oia的日落被喻為全世界最靚的日落，可能係日落加周邊獨有的山崖小屋，才有此美喻。
仲有一段時間先日落，老公不斷影影影。
我相信每日最多人睇日落的地方，一定唔少得呢度。
起碼有成千幾人一齊欣賞這日落show。
日落前的Oia---美極!
越來越多人。期間有位好似係國內人的靚女好想企係我地的位置影相，但人太多了，根本企唔倒上來，佢見到我又係中國人，就想我幫佢影相，我見我側邊仲有少少位，就扶佢上嚟企，加埋老公的幫助，這位靚女終於有個好位置影相。老公話佢企上來的時候好似整爛咗條裙添.....為咗影靚相，什麼都可以犧牲。
日落show開始啦....
雖然日日都有日落，但係唔同的地方睇，又有另一番味道。
好有意境....
雖然好多人一齊睇日落，但日落的一刻，個個都好靜，好peaceful。當太陽消失的一幕，大家一齊拍掌叫好。我相信係Oia睇日落最吸引的不單係靚景，而係個氣氛，當時的感覺真係好浪漫，好值得紀念。
唔怪得咁多人去完Oia睇日落後，想再來多一次，我同老公都有類似的感覺。
睇完日落後，好多人都開始走，我同老公繼續留係度，影餘暉下的Oia。
點解呢個世界上有個咁靚的地方？
入黑了。
已經接近9點半，影完相後先開始覺得有D肚餓。我地去咗洞穴屋老闆推介的餐廳食晚飯，佢話提佢的名，仲有九折添。當我地入呢間餐廳後，同侍應講係洞穴屋老闆介紹，佢即刻叫洞穴屋老闆出來同我地打招呼，原來佢一路都係餐廳。
老闆冇介紹錯，這間餐廳係我地係希臘食過最好食的一間，尤其老公果碟 Spaghetti Oia，又平又正，仲有甜品送添。
Oia--Blue Sky，10個讚！
食完晚飯後，周圍行下Oia的小街，又見到同米島好似的紀念品。
晚上的Oia好浪漫，好寧靜，富有很重的藝術感！
我鍾意呢度多過米島小街，老公都係一樣。
係木上繪出Oia不同的景致。
滿街也是以Oia為主題的藝術品。
Oia的夜街，唔會好似米島小街咁，咁多人聚集，咁商業化。
夜景仲好靚添!
行到都唔想走，但真係好夜，驚認唔到路返洞穴屋，所以係時候返去。點知真係迷了路.....當然最後也順利返到去啦!。
好靚既景色呀 [版主回覆08/15/2011 21:12:00]一個字：「絕！」
回覆刪除