希臘愛琴海浪漫之旅の第七天

Santorini -> 雅典

尋晚住的酒店 --- Villa Ilios，超平，€60，仲有泳池，超讚！

 我地又在泳池游早水！十分relax，自由自在！

房間雖小，設備亦齊全，仲有露台俾我地晾衫！

開始今日的 Santorini 環島遊！第一站係南面的紅沙灘 (Red Beach)。

沙是啡紅色，比較特別。

行左一陣，出發然後到最西端的 Akrotiri ，望向 Fira 及 Oia 。

 Akrotiri 的燈塔。

然後到東面的海灘 Kamari Beach 。Kamari Beach 又叫 Black Beach ，睇沙的顏色便知道了。

沙灘很直很長，好多泳客喜歡在這裡囇太陽。

我地在沙灘旁的食店食lunch，叫了兩個「卷物」，叫 Pita，係希臘的美食。

Pita 內有烤肉、蕃茄、薯條及沙律醬，十分好食！價錢亦十分便宜。兩件 Pita、一個沙律、一客麵包、一支1.5公升水，只需€10，是我地整個希臘最便宜的一餐。

食飽飽，本來想到 Ancient Thira，但知道上山好困難，亦找不到路上山，決定放棄，只影下附近的建築物。

順道駕車到 Pyrgos，租車公司的職員推介我地到這裡，因為呢度係整個聖島的中心及最高處，可以欣賞整個聖島的景色。

外型十分獨特的藍頂小教堂。

小路有驢仔上山。

沿途有很多白色藍頂屋及小教堂，好像Oia。

終於上到山頂，居高臨下看Fira及遠處的Oia。

離開 Pyrgos，決定回 Fira 作 Santorini 旅程的終點。

簡單一道門，門外的景色十分優美.....

我同老公決定坐在一間餐廳，叫了兩杯凍飲，一邊望海，一邊回味在聖島的點滴，至今仍然回味。

坐左個多小時，再逛逛 Fira 的大街小巷。

我地沿路上山，終於到達Fira外圍的觀景台附近，遠眺位於山上的 Fira。

當然唔少得同老公合照啦！

沿途經過 Fira 的店舖，發現在 Fira 售賣的紀念品，比在 Mykonos 及 Oia 平很多，大概平 20% 至 50% 呀！

再見了！ Fira！

由 Fira 駕車回機場約十五分鐘，將車泊在停車場，車匙放於車廂便可以了。

離開 Santorini 了，三日兩夜已行勻Santorini的東南西北，又上山、又下海，我同老公都好鍾意，真不捨得！希望有機會再來一次！

由Santorini坐內陸機到雅典只需45分鐘，回到雅典已經晚上九點半，食過晚飯早早休息！