希臘愛琴海浪漫之旅の第四天

~Mykonos~

一早起床，本想在米島租一日車自駕到島上的其他地方，但老公諗諗下，一來覺得係米島駕車唔安全，二來若想去米島出名的沙灘，可以坐巴士去，慳返D，所以我地趁尚早，便起床吃早餐，再坐巴士去探下米島的海灘。

一如所料，一早坐巴士的人好少，假如係下午以後先去海灘，一定上唔到車。

 

經過20多分鐘的時間，就來到米島好出名的Paradise Beach(天堂海灘)。

呢個海灘沙唔係好幼，水亦唔係好清，比起香港的沙灘還要差，但點解咁出名﹖
因為呢個係天體營海灘，即係泳客可以光著身體游水及曬日光浴。因為我地一早就來到，所以人出奇地少，只有空空的沙灘椅及幾個好似玩完通宵的人係到睡覺。其實這個時間來天堂海灘都幾好，因為小miumo真係唔習慣係光天化日之下，有人唔著衫咁對著自己。

原來坐呢D沙灘椅係要比錢。因為沙灘的面積唔大，店舖為咗賺最多的錢，密密麻麻咁係每一個角落放置沙灘椅。對於我來講，係呢個海灘一定唔會有私人及寧靜的空間，而且D人又可以食煙，咁嚟海灘又點可以呼吸到新鮮的空氣，又點可以relax呢﹖

由於我地見到天堂海灘冇咩特別，就唔浪費時間行去Super Paradise Beach(除天體營外，同時亦係好出名的同性戀海灘)，提早坐下一班巴士返巿中心。

第一次在米島見到的士，係Benz來架!

米島上另一個小風車。

好多"畫作"都係以這個風車景為題的。

由高處望米島的風景。

沿車路行返酒店，好曬，個天一舊雲都冇。

返酒店去個廁所後，又出去搵食，酒店的位置真係好好，好近小街，好方便。另外我地今日仲有一個目的，係嚟米島一定要做............就係尋找島主。

百看不厭的小街景色。

漂白咗的教堂。

又一間小紅頂教堂。

終於比我地搵到佢啦!就係島主--塘鵝先生。之前仲好擔心天氣太熱，佢唔會出來遊街添。見到島主，一定要同佢傾係偈先啦!

神態悠閒的塘鵝先生。

要影相啦，來過正面先!

有幸同島主來個合照!

好多人來米島都想探一探島主架，見到這位大明星，眾遊客一定爭住同佢影相啦!

探完島主後走出碼頭去搵食。風景都係咁靚!

我地去咗碼頭邊的餐廳，睇住靚景食午餐。

好吃的pasta同....

更好吃的燒豬柳。

望住海邊享受午餐，體驗希臘人悠閒的生活。

個午餐一食就用咗近2個鐘。之後再逛逛小街。

趁天色尚美，不斷影相。

行咗陣小街，發現又係返酒店午睡的時間。午睡之後，見到酒店附近的小沙灘好吸引，我地決定行落去游水，水好清，一路游一路見到海底又好多魚仔，真係好正。

游完水後，覺得天氣冇咁熱，又再出動。原來由酒店行去風車群係好近架!

趁人唔多，落腳架影多幾張合照。

係日落前仲嚟張好有藝術feel的合照---"日落下的戀人"！

已經係老夫老妻啦！

好浪漫咁係小威尼斯前合照!

靚!

點都要係小威尼斯到食一餐"日落晚餐"。又點都要試試米島的海鮮。

慢慢食，等日落!

今日個天好清，好完整咁睇到成個太陽沉落水平線下。

完畢!拍掌!

日落後橙紅色的天空。

還有小小日光的風景。

靚絕!

今日係係米島的最後一晚，當然要再行我好鍾意的小街啦!

又見島主!

各式各樣的紀念品

米島的夜晚其實係好熱鬧，去到10點幾，仍然好多人聚集。我地行到近11點，頂唔順睡魔的呼喚，返酒店。