希臘愛琴海浪漫之旅の第六天(上)

Santorini

在洞穴屋住一晚後，發現...真係好靜!雖然屋內冇冷氣，但夜晚的Oia唔熱，都瞓得幾好。但我地都唔想浪費時間瞓覺，想快D出去欣賞美極的Oia。

老公一早起身，打開門就已經係一個靚景。

清晨的Oia，好寧靜!

這裏就係我地間洞穴屋的門口。

清晨的 Oia，十分寧靜，正！

 

坐係門外歎個美味的杯麵。其實眼前的風景已經係一個美點。我真係好享受係呢度同老公一齊食早餐!

又有小貓陪伴，真係好!

我地見度好有趣的一幕.....就係 狗<->貓 對話，雖然我地係佢地的側邊，但都冇騷擾倒佢地，佢地對望咗好耐，好似有好多野想同對方表達....

與小貓小狗再會後，我地想再一次返去昨晚睇日落的地方及周圍影相。

朝早的陽光較傍晚好，所以在同一位置影番Oia著名景點---藍頂教堂。

我地以這個鐘樓作地標，先認得返洞穴屋的路。但這個鐘係壞既!

就係由呢條路行返洞穴屋，一望就已經係藍頂教堂。

返回昨日睇日落的地方。因為好早，所以冇人。我好享受同老公好靜咁睇住Oia的景色，若留住呢一刻，坐一世都願。

山下有一個小碼頭。

好想行去用"廁紙筒"做成的風車。

Oia的廣場，人流好少，只有幾隻狗兒。

藍白色的教堂加上完美無霞的藍天，絕配!

行咗一陣，我地就出去巴士站攞車。

話說我地一早想係聖島租車，自駕2日遊聖島。初頭係幫襯大的租車公司，但要返去Fira 先可以攞車，我地覺得好唔方便。經網友介紹，我地係一間叫cool car的租車公司租車，間公司的工作人員可以將架車送上來Oia的巴士站，唔駛煩搭車的問題。所以我地約咗租車公司的職員9點鐘在巴士站等我地，洞穴屋老闆知道後仲話同我地一齊去處理交收車輛的過程添。

老闆及租車公司的職員都好準時到達巴士站，好順利完成交車過程。

這架紅色 Hyundai 就係我地係聖島的代步工具。自動波+左呔，正！

因為想再留係Oia多一陣，同老闆講我地遲少少先check out，老闆當然冇問題。仲有時間，我地再周圍行下。

日頭的Oia小街好靚!

Oia的另一邊景色。

Oia小街店舖放滿不同種類的紀念品。

比米島的紀念品更富藝術感!

我地係米島已經打算買張油畫代替家中已退色的砌圖，揀咗好耐，決定係聖島買，一來較平，二來我地較鍾意聖島的景色，買油畫，梗係在聖島買啦!

早上的Oia唔係好熱，可以行更多的地方。我地爭取時間，行盡Oia每處角落。

終於有唔係白色的教堂!

一樣咁靚。

途中見到唔少準新人來Oia影相，其中呢對日本新人特別搶眼!好sweet。

人少少的Oia特別正!

我地係呢間店舖買咗好多紀念品，因為老闆娘話比折我地，所以價錢十分相宜。平過米島，但最平唔係呢度.....

算啦！唔好計錢啦，見到靚就買，唔係返唔到轉頭!