希臘愛琴海浪漫之旅の第六天(下)

Santorini

昨晚擠滿人的海景餐廳!

準備行去Oia最角落的角落....

這張相的景致不比藍教堂遜色吧!

就嚟到達Oia的最西邊!

風車+教堂+藍天 = 絕配

一個好似未上色的教堂，等我幫佢上色啦!

點解個教堂頂會有咁多個小bell﹖

行咗好耐，係時候返洞穴屋執野check out。

終於見到老闆的樣啦!幾型!

佢係保加利亞人，好nice，好helpful架!佢準時11:30來洞穴屋攞返條鎖匙，say個bye及影張相就走啦!

洞穴屋都幾大架，有個廳....

double bed....

小廚房內有些簡單的煮食用具....

門面向一個靚景....

這晚(旺季)只係需要€80元，靚景+特色+位置+老闆的service = 超值!

 我地兩人背著大背包返去巴士站攞車!

沿途老公仍然好唔拾得咁留住Oia每個角落。

攞車後開始我地聖島的自駕遊。先返去Fira 的酒店放低行李，然後再去Fira準備另一個聖島的重頭節目.....

Fira好似Oia咁，好多小屋沿崖邊興建。

但沒有Oia咁寧靜。

我地食飽飽後決定坐11號巴士(雙腳)沿驢仔路行落去舊港。

沿途不斷有大叔問我地坐唔坐驢仔，因為之前睇"80後環遊世界"，睇住兩位主持坐驢仔仲辛苦過自己行，我地就決定唔洗勞煩佢地，自己行。

可能坐驢仔真係唔係太舒適，當日我地見到好多 "吉" 驢冇人幫襯，只在路邊歡迎我地。

其實行驢仔路都幾辛苦 = 曬 + 幾百級樓梯 + 驢屎味

經過"艱苦"的旅程，終於到達舊港!去舊港的目的係我地參加了一個sunset curise之旅，係舊港上船。我同老公都好期待...

我地就係坐呢架咁型的船!

出發啦...

離開舊港，遠望Z型的驢仔路同高處的Fira，我地就係咁樣行落嚟。

係船上一定要來張合照啦!

第一站﹕行火山島!

個島唔係形成好耐，火山爆下爆下就整個島出來。所以個島好少植物，大部份都係D黑色的火山凝固物。

火山口

我地要係火山島行大約1個鐘，行上山的頂點。

雖然好似好辛苦，但老公話﹕我地冰川都行過啦，火山島邊難到我地!

終於到山頂啦!船上的職員小姐為我地作聖島的詳細講解。我同老公都覺得這位希臘小姐把聲好聽之餘，英文仲講得好好。

係時候返上船準備另一個活動...

由火山島上船後，各個旅客即刻開始準備....

做咩﹖就係換泳衣跳水。

男女老幼都換上泳衣由船上跳落水，浩浩蕩蕩咁游去白色小教堂側邊的溫泉。

而唔屬水性的小miumo當然只係得個望字。但係睇佢地跳下游下，又係一個樂趣!

游咗兩次水後，船迫在岸邊靜水區開餐。雖然話只係提供小食，但也讓小miumo食得飽，又有得品嘗聖島的白酒。

由船上望上Fira。

另一場的日落show又準備開始!

由下向上望去Oia，見到我地昨晚的洞穴屋(圖中藍色木柵、深啡色小屋旁)，當然要靠老公的長鏡先影到啦。

岸邊的奇岩美景。

昨晚看日落的地方。今日我地就係船上看日落。

仍然係人頭湧湧，站到最高處看日落。

看日落前，船員播起振奮的音樂，起帆!

隨即有位船員吹起Saxophone....

在Saxophone浪漫的旋律襯托下，欣賞另一日的日落...

日落短片

 

 此時此刻，真係唔識形容。

係成個日落的過程裏，船上每對的couple都在窄窄的空間中找出屬於兩人的世界，邊看日落，邊陶醉於整個浪漫的空間，唔需要講什麼，只係想盡量珍惜與身邊的人，共渡此難忘的一刻!

一天又完了。

老婆話﹕老公，搵一次可唔可以咩都唔做，唔影相，同我靜靜咁睇日落?

老公話﹕咁靚的日落景，好難忍手唔去影喎....

老婆﹕．．．．．．．

日落後再來一個新月!

回航返碼頭了。

我地好快咁坐纜車上返Fira巿街。 

因為太累，所以飛快咁駕車返酒店休息。