因為之前一日換了船飛，我地在酒店食完簡單的早餐後，便輕輕鬆鬆咁去碼頭。我地坐地鐵去港口，雖然好早，但沿途有好多同我地一樣出發去小島的人趕去碼頭。港口車站的人流就好似行花巿咁多人。
碼頭停迫了往不同小島的船。
碼頭停迫了往不同小島的船。
出發了 !
船準時開出，老公急不及待走上甲板影相，又比佢影到船上的希臘旗 + 日出。
中途站Syros(斯基羅斯島)，山邊佈滿小屋。
船準時開出，老公急不及待走上甲板影相，又比佢影到船上的希臘旗 + 日出。
中途站Syros(斯基羅斯島)，山邊佈滿小屋。
又開船啦!
又到另一個中途站Tinos(提諾斯島)。
坐了約4個鐘船，終於到了Mykonos!
落船後，好多酒店車的司機舉牌接載住客，老公話我地間酒店也有接載服務，已通知了人接載我地，但搵咗好耐都搵唔到接我地的酒店車，我地好徬徨，因為米島係好少公共交通工具由碼頭返巿中心，就連一架的士也沒有。我老公不斷問人，而我就係的士站排定隊。雖然開始體會到希臘人的誠信比日本人低，但期間仍有好多有心的希臘人幫我地.....最後架酒店車終於到了，原來係遲到，個司機仲扮晒野話以為我地係呢個時間先到。算啦，總知有車返酒店就OK。
返酒店途中的景色，老公好期待美麗的風景。
在酒店放低行李後，急不及待往小街逛逛。我地開始進入米島的小街迷宮，沿途一色一樣的藍白屋仔，小街又有好多分叉路，點會唔迷路呀!
行咗一陣，搵間小店醫個五臟廟先 ---意粉 + 沙律。
藍白小屋加上桃紅色的花，美極!
我地去每個地方，老公都不忘買個具當地特色的公仔。米島﹖當然係佢，島主--塘鵝！ 小MiuMo又多了一個朋友仔。
米島小街的紅頂教堂。
在碼頭廣場遠望的海邊小屋，配合完美的藍天，景色一流!
小狗也來渡假呢!
因為米島的日頭很熱，在小街的人唔多。
行咗一陣，因為太熱，所以我地決定返酒店又來個午睡。由這一刻開始，過往不斷趕景點的小miumo發現，午睡係希臘之旅的其中一個重要活動。
我地係這間酒店(Poseidon)連住兩晚。這間酒店也是我地的推介，因為位置離米島的小街不遠，也是靜中帶旺，而且亦有米島的特色---藍白小屋，房間外的景色仲...
我地係這間酒店(Poseidon)連住兩晚。這間酒店也是我地的推介，因為位置離米島的小街不遠，也是靜中帶旺，而且亦有米島的特色---藍白小屋，房間外的景色仲...
好靚!房有個小露台，面向愛琴海，亦可見到五座風車，而且....
酒店下有個小沙灘，不屬水性的小miumo也決定係呢兩日，要在米島行下水禮。
想去沙灘，酒店又有泳池供應，不過後來發現泳池的水係鹹水，好奇怪!
瞓醒後，又係出動的時候。好吸引的紀念品，但價錢一D都唔平。
風車係米島的地標，所以一定有風車的紀念品買。但我地發現呢D風車係由---廁紙筒造成!
樓梯也是藍白色。
終於見到米島的地標--風車。
本身係6個風車，現在只有5個係完整。這些風車已經不能再運作了。
本身係6個風車，現在只有5個係完整。這些風車已經不能再運作了。
佈滿明信片及油畫的店舖，都係以藍色為主色。
狹窄的小街也放了枱凳，又係藍色...
另一個角度看紅頂教堂，完美的天空，點影都咁靚。
米島的小威尼斯。老公好想有一餐係小威尼斯到食。
將近日落，越來越多人到達風車的位置一睹米島日落的景色。
真係好靚喎!
我地決定係海邊搵間餐廳，一邊食晚飯一邊睇日落。
餐廳的大叔好專業咁幫我地拍照。
餐廳的大叔好專業咁幫我地拍照。
日落時的小威尼斯。
米島的日落開始上映!
太陽被罕見的雲霞遮蓋。
周邊的人都注視著太陽沉在海中的一刻。
直至它消失了。周邊的人隨即拍掌，好似睇完一套好好睇的戲。
又繼續我地的晚餐。試試希臘沙律。
風車下米島的夜景。
島主又出場啦!
夜間的米島小街好涼快，多咗好多人出嚟逛街。
雖然米島的野唔平，但小miumo也有少少收穫。
其中一樣係係呢間連鎖手飾店買了一條充滿希臘特色的頸鍊。
其中一樣係係呢間連鎖手飾店買了一條充滿希臘特色的頸鍊。
晚上的小街好熱鬧，好多遊客係街的兩旁一邊飲酒一邊傾偈，老公問﹕咁多野傾，點解唔返屋企傾﹖咁呢D未係歐洲人的特點囉!
我好鍾意晚上的小街。今晚就先返酒店休息，明晚再來。
好靚既藍色呀 令人心境平和又舒服 [版主回覆08/15/2011 21:11:00]好多人好鍾意去希臘，睇相都知靚的，不過身處希臘時，會發現人的步伐真係會放慢的！這就是希臘小島最吸引人的地方。
回覆刪除我對希臘的印象就只有這些藍白色的小屋，直至而家先知呢度叫米島，真係好靚、好悠閑 唔洗好似去日本咁「頻撲」 而且我最喜歡呢度有好多靚靚既紀念品賣，o岩晒喜歡買紀念品既我 但呢 o的勁靚既紀念品大約要幾多錢呀 ? 在希臘的洗費與在日本的洗費又相差多呢 ? [版主回覆09/08/2011 21:05:00]希臘小島出名浪漫悠閒，風景又靚，人的心境都平和d！ 紀念品唔係好貴，幾十元港幣都有交易，當然比香港的貴啦！ 希臘同日本的洗費差不多，在希臘買支水約1歐元($10.9)，在日本買水大概100円，差不多啦！
回覆刪除我都愛希臘那些記念品, 我也忍唔住買咗一堆番來留念呢! [版主回覆10/29/2011 12:25:03]希臘的紀念品真係十分吸引的！我地都買左唔少呀！
回覆刪除hello, i also plan to go this summer, is it quite hot there, how much did u spend per head just for flight, ships & hotels? & how much for meals approximately on average? thx^^ [版主回覆05/15/2012 21:59:35]希臘都幾熱的，三十幾度左右；費用方面，機票(包括稅及附加費)、兩程船票、七晚酒店、一程內陸飛機、加上租車，每人約港幣$15,000；膳食方面真的豐儉由人，百多元港幣的意粉，或幾百元的海鮮都有，任君選擇。
回覆刪除d紀念品大約幾錢一個？ [版主回覆06/11/2012 21:58:29]紀念品有平有貴，由幾元(歐元)到幾十元不等。 另外，你之前問的問題，我地不能成功upload回應，只能在此回應！ 在泰國及其他地方轉機分別不大，分別只在於轉機時間要等幾耐。我地坐泰航，四程機票加稅，每人港幣$8,300，算ok平啦！
回覆刪除多謝你回覆我呀~不過我今朝問過泰航，佢地話舊年年底已經停飛雅典啦!!唔可以係曼谷轉機啦，好唔開心呀!!!! [版主回覆06/15/2012 22:30:26]在新加坡轉機係唔錯的選擇！可以玩幾日呀！ [小叮回覆06/12/2012 06:49:26]我當初都係諗住學你地咁，去完希臘留幾日係泰國鬆一鬆，可惜依家唔得了~ 問過可以係杜拜，土耳其，新加坡轉機~~考慮新加坡或土耳其轉機前往~~~ [版主回覆06/12/2012 06:44:51]我地搭泰航的原因，因為價錢吸引，又可以在泰國 stay behind，依家你打算搭邊間航空公司的機？
回覆刪除