阿聯酋杜拜探索之旅の第一天

香港 -> 阿聯酋 阿布扎比 -> 大清真寺 -> 民俗文化村 -> Yas Island 法拉利主題公園

 -> 杜拜 -> 亞拉伯皇宮運河酒店 (Jumeirah Mina A'Salam Hotel)

一講起阿聯酋，就會想起杜拜 --- 一個擁有多個「世界第一」的地方，每當我同老婆計劃去旅行時，去旅行社問團的情況，總有旅行社職員推介去杜拜見識一下，今次見到時間、行程同價錢都幾ok，加上我地都未去過中東，好！出發！

在晚上到機場 Check-in後，我地搭 CX683飛01:10到阿聯酋首都阿布扎比，8小時後到達，係當地上午5時左右。

 

離開機場，已經上午六點，已經天光喇！天氣幾好，都唔係好熱！點知剩係晨早先至係「涼少少」，到了上午八、九點後已經十分熱了！

咁早點算！先去附近一間酒店食個豐富早餐 Buffet。

起初唔清楚阿聯酋的酒店是什麼情況，一睇就知道「唔簡單」，一個泳池已經代表奢華的生活 --- 酒店外係沙漠，酒店內竟然有泳池，唔講仲以為去左愛琴海享受日光浴添！

休息左一陣，出發到大清真寺參觀。外表十分宏偉。

牆壁及地面以大理石鋪設。

大清真係全球第八大的清真寺。

要用廣角鏡先可以影全景！

寺內擁有兩個「世界第一」，其中一個便是這鍍金黃銅水晶吊燈。

另一個「世界第一」便是這大地毯，有5600平方米。

又係要用廣角鏡先至影到咁宏偉！

單睇入口已經唔簡單啦！

入清真寺的女士需要穿著黑長衫及以黑布包頭，老婆便變成中東人了！

由走廊外望。

參觀約四十五分鐘，在正門影多幾張相先！



來到阿聯酋參觀清真寺，好似是指定景點，但估唔到的係，阿布扎比擁有「沙灘」！對岸係阿布扎比市中心，兩岸均擁有沙灘！我地仲以為去左澳洲布里斯班添！

下一站參觀民俗文化村。

一落車已經感受到熱風，加上尋晚在飛機上「過夜」，一落車已經暈暈地，老婆仲覺得頭痛添！簡單影幾張相就算了！

之後去法拉利主題公園，又擁有另一個「世界第一」 --- 全球最大的室內主題公園。

先去 Mamma Rossella 食 lunch ，係法拉利職員用膳的餐廳集團開的。

叫左兩個 Pasta ，Yummy ！十分好味！

我地隨意參觀一陣，我忍唔住要玩另一個「世界第一」---全球最快的過山車！Formula Rossa，我來了！

我同老婆出室外睇下過山車究竟有幾快，嘩！唔駛分半鐘已經玩完，我地只聽到車上的人狂叫！我玩左一轉，真係快到「無反應」，又「鼓勵」老婆同我上去玩多一次，點知老婆玩完又暈過！慘慘！

老婆唔舒服，我都無心機玩喇！坐左一陣，隨便參觀一下，影下園內的環境及法拉利「戰車」先！

就咁就完成第一天的行程了！由阿布扎比乘兩小時車到杜拜，沿途所見都係沙漠或荒涼的地方。

但接近杜拜市又有另一天地 --- 好多高樓大廈，仲有好多係興建中！

在中餐館睇日落、食晚餐。

今晚同明晚住在同一間酒店 --- 亞拉伯皇宮運河酒店 (Jumeirah Mina A'Salam Hotel)，係五星級酒店，亦係帆船酒店旗下的酒店，質素應該唔錯的！因為太夜的關係，睇唔清楚附近的設施，但房間就唔錯喇！

有花灑浴及浴缸添！

好累，正想休息關窗簾之際，外望竟然見到 --- 帆船酒店！嘩！立即狂影啦！

帆船酒店約每隔半小時便「變色」一次，我當然唔會錯過機會啦！又「無覺好訓」喇！