日本和歌山淡路島深度遊の第一天

大阪國際機場 -> 天保山海遊館 -> 心齋橋

農曆新年又到，又係一家人開開心心去旅行的時候，今年計劃行程有d難度，又要遷就航班、又要睇下有乜好玩的景點．．．老婆於去年五月見有機票book，不過機票連稅加兩晚大阪酒店要近六千五百，超貴！點都好，book左去大阪先！然後再計劃行程，決定以和歌山做今次行程的核心，加上大阪及淡路島。

日本！我地又來了！Yeah！

今次坐國泰CX506，飛1020，到達大阪時間係1440，正！仲有半日玩！

落機先去Nippon Rent a Car 租車，要在 AeroPlaza 地下的 Counter 辦理手續，然後在停車場取車。

好！出發！第一站先去大阪灣天保山的海遊館，係世界上最大的城市型屋內水族館。

日本和歌山淡路島深度遊の第二天

大阪 -> 明石大橋 -> 福良 -> 大嗚門橋海中旋渦 ->

灘黑岩水仙鄉 -> 福良 -> 神戶 -> 大阪心齋橋

經過尋晚叉電，今日大家都幾精神。今日行程以淡路島為主，唔係好遠，行程應該比較輕鬆的。但今天實在有太多「意外」！

由大阪去明石大橋大概一小時車程，但在高速公路竟然塞車，因為交通意外加上工程關係，車程多左一倍！去到明石大橋已經係上午十一點。

老婆好想去大嗚門橋睇海中旋渦，而大潮時間係下午一點四十分，我地見仲有時間，想先去另一景點 --- 灘黑岩水仙鄉。途經路旁的產物店，mammy買左一袋柑同一包洋蔥，我地返到香港試過用洋蔥炒牛肉，d洋蔥真係好好食、好甜的！同大陸洋蔥好大分別！

到達灘黑岩水仙鄉已經係中午十二點，但見到d人要將車泊在露天停車場，再轉搭接駁巴士上山，排隊的人甚多！老婆開始焦急，因為好驚上得去水仙鄉，就錯過睇海中旋渦的最佳時機。我地就立即上車，打算駕車到嗚門公園附近乘搭觀光船。

駕車到福良附近，daddy話有觀光船到大嗚門橋睇海中旋渦，我地當時都唔知點算，好啦！試下博一博！

到達福良已經下午一點，我地都擔心無觀光船搭，好彩有班船開下午一點半，但要二千円！超貴！無辦法啦！焗住要買觀光船票了！

日本和歌山淡路島深度遊の第三天

大阪 -> 和歌山 -> 中野BC梅酒廠 -> 莓莓園 -> 南部梅林 ->

南紀白浜市場 -> 三段壁 -> 円月島 -> 白浜

由於國泰的package包兩晚的酒店，所以之前兩晚我地住在大阪的 Hotel Villa Fontaine ，在心齋橋旁，十分方便，好似東橫 Inn 的，包簡單的早餐，讚！

星期日大阪早晨的街道，特別少行人及車輛。

心齋橋，真係好「齋」！

日本和歌山淡路島深度遊の第四天

白浜 -> 白良浜沙灘 -> 白浜EnergyLand -> 串本海中公園 ->

潮岬燈塔 -> 橋杭岩 -> 南紀勝浦溫泉

昨晚落雨，今早天晴，希望今日去的景點順順利利！

老婆在網上尋找三樂莊這酒店，網友評價都幾高的！我地都幾鍾意，可能因為尋日係星期日，唔係好多人入住，靜靜地，好舒服！

我地間房面向海同沙灘，幾正的！

食過早餐，又出發！先到酒店下的白良浜沙灘，因為太凍的關係，無人在沙灘，亦無人在游冬泳，但沙灘真係好靚，水清沙幼，夏天一定勁多人游水的！

日本和歌山淡路島深度遊の第五天

南紀勝浦溫泉 -> 勝浦漁港 -> 捕鯨博物館 -> 妙法山阿彌陀寺 ->

熊野古道 -> 熊野那智大社 -> 三重塔 -> 那智瀑布 -> 川湯溫泉

今次已經係我同老婆第二次到南紀勝浦溫泉酒店，上次我地的房間並唔係向東，唔可以在房間外望日出，今次老婆特意book左間向東的大房，點知今早都係有雲，睇唔到日出添！真慘！

 

睇唔到日出，唯有駕車去勝浦漁港 --- 全日本最大的吞拿魚市場。

只係上午七點，d吞拿魚已經一排排分類放在地上。

日本和歌山淡路島深度遊の第六天

川湯溫泉 -> 仙人風呂 -> 南紀白浜市場 -> Rinku Premium Outlets -> 大阪國際機場

昨晚我地在川湯溫泉的富士屋休息，川湯溫泉在深山中，十分寧靜，我同老婆都好鍾意，連daddy都話，跟「亞妹旅遊」先至去到呢d深山地方！哈哈！

我同老婆今早六點就起床，因為想一早去浸露天的仙人風呂。仙人風呂位於川湯溫泉帶，風呂係男女混浴的，但通常浸溫泉的都會穿上泳衣泳褲的。

 

仙人風呂旁有一條小溪．．．

風呂係露天的，今天天氣一般，早上有煙霞，所以風呂飄起煙霧．．．