關西狂購福袋勁玩團 --- 第五天

心齋橋 -> 關西國際空港

今日係最後一天，我同老公都決定唔去其他地方，繼續行心齋橋附近便算了。一早起床的第一件事，就係Pack行李先！我老公個旅行喼，去程只有三份之一個滿，今早已pack到滿！
Pack 好喼、check 完 out，我地再去隨意狂狂！這幾天的天氣都幾好，除了在神戶的晚上有點下雨外，其他都天氣不錯！

心齋橋附近就行得多，影條河就第一次！

日間的 Glico ，可能大早的關係，人不算多！

上午十點左右，我地已到達心齋橋，見到有d商店已經營業，仲有好多日本人排隊買福袋添！

早上的心齋橋真係唔多人，我同老公行得都幾舒服！

經過Sanrio，大大隻 Hello Kitty 著住和服同大家「拜年」，裡面當然唔少得有福袋賣啦！

在心齋橋，因為大部份商店都係新年的第一天開始營業，好多地方都有福袋賣！入到大丸，一樣係人頭湧湧，處處都有日本妹嗌 --- 「賣福袋」！除此之外，店舖以「超低價」、「大割引」吸引顧客，睇下女裝部的店舖就知幾犀利！

唔係講笑，真係好勁！勁多日本妹「搶」衫！就連「亞 Ann」(即係個Model公仔)身上的衫都除出來！勁！

呢間Liz Lisa專賣日本流行的Cutie時裝，又係超多人光顧，又係有福袋賣的！

行完大丸、搶左幾對長襪，見到有隻黑色小狗穿著和服，好cute！

我當然第一時間捉住佢，同佢影相先！

影完相，係時候去買一d重要的物品 --- 日本藥！呢間係我地的推介，d藥平均會平心齋橋最繁忙的地段約10%，都好抵的！

睇下d日本藥！幾多幾整齊！我地掃左d感冒藥、傷風藥同暗瘡膏！

之後我地就去到一間我好鍾意的民族服裝店 --- Pango House。響裡面我買左兩樣好鍾意的物品 --- 一對民族Boot ，只係 2,300円！港幣$200有找！超抵！一條裙，都係差不多價錢！正！

行下行下，就連 Mister Donut 都有福袋賣！1,500円一個！

都行左兩、三個鐘頭，係時候食午餐！我地決定去「番炒」松屋！呢個係我老公order的牛肉定食，十分好味！而我order的豚肉定食，十分正！好香的豚肉！

食飽飯已經是下午一點半，睇下幾多人！

我地專程去一個叫 Tokyu Hands 的商場，我專意去買一些好「特別」的東西！就係日本獨有的「防災用品」！就連防災用品都布福袋賣呀！勁！

防災用品種類齊全，真係乜都有的！

水容器！可以保存6年都唔變壞的水！

長期唔變壞的罐頭食品！

非常持出袋 --- 包括手電筒、繩、水、罐頭等。

其他用具種類繁多！

仲有防災食品包添！

我終於買左一樽6年不變質的水同一個罐頭作記念！

行到下幾層，見到老公最鍾意的玩具 --- 大富翁，竟然有大富翁大阪版！好，買！

已經係下午兩點半喇！心齋橋已經超級多人！個個去心齋橋都係想買福袋！

見到心齋橋另一地標 --- Don Quijote，老公詬要影下先！

唔知係咪新年的關係，連玩彈珠機都大割引！1円都可以玩！抵！

行程的最後一個景點係 Big Camera，估唔到電器都有福袋的！

行左一陣，老公話興趣不大，就急急離開了！我地坐特急去關西國際空港，乘18:25的國泰CX507機返香港！

這次旅行真難忘，因為太開心，買左好多東西，最重要的，係超級平！哈哈！