關西狂購福袋勁玩團の第一天

香港機場 --> 大阪心齋橋

聖誕假，又係出發去旅行的時候。原先諗住"返泰國"，但竟然九月都Book唔到最平的泰國機票，要我付出接近3000的機票去泰國，不如又去日本好了....

點知好感恩又比我發現日航天地有好抵的package去大阪，有幾抵？港幣 4,500元包來回機票(國泰早機去、晚機返) + 各種稅項 + 四晚心齋橋附近的酒店，咁抵的價錢，當然去日本好過去泰國啦！日本，我地又來探你啦！

不過去大阪有個唔好處，就係若要坐ANA及JAL的航機，時間都不太好，晏機去早機返，唯有迫不得意下加左$300坐國泰與JAL的聯營機，點知真係出事....

我地搭國泰CX506飛10:20的，原先想坐早機想早D去日本逛街，點知上機後機長通知我地架飛機有故障，要維修，要我地落機去另一個閘口登第二班機，咁即係要delay啦.....

10點幾班機要12:00先可以出發，真掃興！

因為要到第二個閘口登機，咁啱撞到啲"朋友仔"準備登機去旅行，得到佢地的通知，原來國泰會"賠償"比我地班機的每一個乘客有40元買小食，我地梗係用埋佢。

這是國泰賠償比我地既小食。係啊，80元只有這些，因為一支綠茶也要32元。

在63號閘口等了又等，12點半仲未上到機....點知不幸的消息又來。我地等上的個班機又故障，而由於之前故障的飛機己維修好了，要我地返番原先的閘口登機。即又delay多個幾鐘。點解國泰啲飛機唔係檢查好冇問題才安排比人坐架，超唔能夠接受！

國泰又賠償每人70元到機場任何一間食店吃午餐，但點會有心情吃，我只想早些出發到大阪。

是但去板長食左個烏冬，我地只係俾左$14！

直至下午1:40分，感恩唔駛在機場吃晚餐，終於可以登機。心當然希望唔會再落返機啦！

國泰，我同老公對這間航空公司已完全失去信心。下午兩點幾先可以起飛，點解我地要加錢坐這班機，倒不如坐返原本飛下午兩點幾的日航 JAL 好過啦....

點都好，最終平安來到大阪！但已經下午六點半喇！

坐海南電車到日本橋站，返酒店放下行李，即刻去心齋橋逛街先！

這條街最出名的Glico燈箱。影下先！

今次特登去返我地之前來大阪食過的迴轉壽司店食晚飯。

每碟均一價130円，抵！仲好多款式的，好多香港係無的！

 想狂食，但係又要留肚去拉麵。

日本多數的店舖都會在夜晚九點前關門。若果唔係班機delay咗四個鐘，就可以多些時間shopping啦！

行左一陣，又去金龍拉麵，我地又來探你喇！

不過今次吃完後，發現其實又唔係真係好好食(當試過其他日本出名的拉麵店後)。

回酒店早些休息，明天再作戰！