St. Moritz --> Diavolezza女魔峰 --> 冰川行 (Diavolezza -> Pers Glacier ->
Isla Persa -> Morteratsch-Glacier -> Morteratsch) --> Diavolezza
離開St. Moritz的酒店了，好唔捨得露台的靚景。
這間Hotel Bellaval十分方便，價錢相宜，服務態度優良，最好係唯一一間在酒店大堂有免費上網設施的酒店。我地放下行李一日，因為這晚我地要上山訓，明天回來再取行李走。
我老公見今日天氣幾好，突然想改變行程，去行冰川，在旅遊局攞左張冰川行的單張，就打電話去報名囉！幾勇！
去到Diavolezza女魔峰下的纜車站，看到以下的地圖，行冰川的路線係右手邊，在山頂沿冰川行落另一個火車站的黃色路線，要行約5個鐘架，我真的有些擔心。不過未試過，未行下囉。
點知早前搭火車又落錯站，擔誤了一些時間，未趕得及將今晚要用的用品放在山上的酒店，我倆背著沉重的行裝行冰川，仲差D跟唔上大隊出發添。
我地首先要由山頂沿石路行落冰川，都幾難行架，慢慢就跟上大隊。
終於落到冰川，教練才知道佢的小隊突然多了兩位中國人(我地係第二隊，隊中有好多小朋友及老人家，全都是歐洲人，動作及行裝都好似好有經驗)。
這是由冰川而來的大石(在麈世美片中見過的)，教練幫一眾小朋友爬上大石。
終於在冰川上行走了！超興奮！
行了一段路後，教練見我行山步伐唔係好掂，就要求我要跟他後面行，老公就跟住我。
沿途都在冰川行，行落好似好易，風景當然無得彈。
冰川中有些小河道，我地都要涉水而行，行咗個幾鐘，教練都沒有企圖讓我們休息。
教練要我一步一步跟住佢行，我就不斷望住地下，都無時間欣賞美麗的景色。
教練久不久會停下來講解一下冰川現在的情況。看冰川的闊度明顯收窄。
長度更縮減少了很多！教練話：冰川一年向後退50厘米，但要在冬天落1米厚的雪，冰川才可累積多1厘米的長度。所以溶化的速度遠快過推前的速度。
冰川的尾部就係我地的終點站。
我地要攀上一個山，小休約10分鐘，快快吃完我地的三文治，就跟另一隊繼續出發。
(因為這隊的教練識講英文。)當時我已經有少少唔想行的感覺.........好累。
新的一位教練較照顧我，好似好擔心我行唔到咁，我地小心翼翼沿石坡落山後，我隻腳已經有D腳軟，真擔心唔可以再行落去...之後又再上另一個山，見到個冰川湖都好靚。
新的教練見到我隻腳好似唔係咁夠力，就比我在山頂上休息一陣，跟返之前的小隊繼續行。點知落另一個石坡時，這段路十分難行，我的腳又好軟無力，我和老公半碌半行咁落山，後面的歐洲人十分擔心我，有一位媽媽還叫她的小女兒為我揹背囊添。我的心情真係好難形容...
落到第二段冰川路，路已較易行，但畢竟已行了接近四個鐘，仍沒有時間休息，我已有筋疲力盡的感覺。老公就不斷為我加油及影相，佢真的好勁!
這是測量冰川移動的速度、冰川的厚度、長度、溫度等數據的儀器。
冰川中的大洞穴，很壯觀。
流水瀑布，深不可測。
見不到底的冰隙，老公要行到好近才影到，小心小心。
四個半鐘終於完成冰川之旅。我的身體已感到不屬於自己....只怪自己唔係經常做運動的人。但老公及歐洲隊友不斷讚我可以完成這個旅程，俾「十個叻」我！在整個旅程中，我發現歐洲的小朋友及老人家真係好勁，由細行山行到老。
另外行冰川的過程中，見到冰川的縮減，美麗的景色可能在幾年後就消失，真的有些感觸。見到瑞士人或其他歐洲人的表情，也體會到佢地比我地更關心及憐惜大自然，我地真的要努力保護呢個咁美麗的世界。
順帶一提：教練話響呢幅相中的岩石地方，於5年前係冰川的一部份，依家已經「風光不再」了！
離開冰川後要行多半個鐘才到火車站，沿途的風景都好靚。
坐返纜車上番女魔峰的酒店，唉，已經咩都唔想做。
(那幢建築物就是位於3千米的女魔峰酒店。)
幸好酒店供應晚餐，真係正!
有湯......
有沙律......
有好味燒雞意粉，意粉同燒雞仲可以任食添！
仲有甜品添！
雖然要200法郎一晚，但有早晚餐吃，都係好抵。
食飽飯，老公話要出去影下相添！
最接近雪山的"宅姑池"，容祖兒都浸過架。
日落的女魔峰景色，橙色的雪山......靚！
上女魔峰住一晚的原意，係學容祖兒咁在雪山看日出，但老公視察過上山的環境及加上我身體的狀況後，決定打消這個念頭。
我地一食飽飯，沖完涼，累死，一覺訓到大天光！
HIHI, 我睇左你呢個BLOG 好多次喇~ 因為你，我既HONEYMOON 都會寺瑞士~ 我想問你少女峰住個間酒店係叫咩名?我想係個度住啊~ [版主回覆05/21/2010 21:49:00]謝謝你的瀏覽！ 瑞士真係一個好靚的地方！我地有機會都想去多一次！ 我地在少女峰無住過喎，你係咪想問女魔峰上的酒店呢？上面只得一間酒店叫 Berghaus Diavolezza Hotel，都值得一試的！
回覆刪除係呀~ 甘請問你係住邊間酒店呢~唉，我又係勁LIKE 去日本既人，瑞士真係完全唔識，而家買左兩本書, 都係一頭煙啊~ [版主回覆05/21/2010 22:35:00]我地就響女魔峰上渡過一晚，住在 Berghaus Diavolezza Hotel。 其實多d資料搜集，睇下不同網友的行程安排，你會搵到好多資料的！
回覆刪除Hello 小MiuMo 多謝你向外間分享你的遊記, 我 9 月會去瑞士7日, 第二日就打算去 Diavolezza 喇, 幸好 book 到酒店 我原先計畫一個人離開酒店後去 Sass Queder 同冰川. 我去 google maps 度睇過, 有參考過D網站, 但係我最想知既時間表就無. 知道你 join 左個冰川行, 貴唔貴架? 你幾多點起行? 網上有無 info 架? D德文搞到我唔係好 sure [版主回覆07/28/2010 23:13:00]乜野時間表？如果係日出時間表就唔駛擔心，因為酒店會顯示的。 至於行冰川呢，每位收費40瑞朗，都ok啦！因為要配合纜車班次，我地要響上午10時半在女魔峰山頂集合，上午11時準時出發。網上資料就無喇！我地都係響瑞士旅遊局找到一些單張關於冰川體驗的，然後去到瑞士再用電話預約行冰川。 希望可以幫到你啦！
回覆刪除你好,我很有興趣想走冰川...不過有些問題想請教你....想請問你是打那個電話??還有怎樣給錢的呢??你們走完全程大概幾點??謝謝你^^ [版主回覆05/19/2011 21:43:00]謝謝你的瀏覽！ 我們到在香港的瑞士旅遊局，取得在Diavolezza的冰川 Trip，你可致電瑞士旅遊局試試。 當天我們到達集合地點時，已經有兩至三組人在山頂上準備出發，先要找到 Trip 的 Leader，然後付款給他們便可出發，不需預先落 Deposit，十分方便。 全程約行五小時，如果不是行慣山的都幾辛苦的！要有心理準備呀！
回覆刪除不好意思....還有一個問題...完成行程也是在Diavolezza坐車走...還是從另一個站離開???謝謝 [版主回覆05/19/2011 21:49:00]行冰川的地點是山頂的 Diavolezza (2978米)，所以先要坐火車到 Diavolezza站。沿冰川一直下步行至山腳的 Morteratsch (1896米) ，然後可從該站乘火車上山或離開。
回覆刪除我覺得你可以完成整個冰川旅程已經好叻，比着我，行到中途可能已經要叫飛行服務隊了！ 我今個星期五都會出發去瑞士喇，唔會去魔女峰同三角朱古力山，只會上少女峰，想請問山上面係咪真係好凍，要羽绒嗎? 好羡慕你可以一次過去晒咁多個山靚咁多如仙境般既風景呀！ 謝謝! [版主回覆06/13/2011 21:03:00]其實都係靠耐力去完成，因為無人可以幫助自己行，只有繼續向前囉！ 上少女峰一定要帶羽絨，因為山上真係好凍的！詳情可參考第三天的blog！ 其實我地至今仍覺得瑞士係我地印象很深的地方，因為景色真係好靚好靚！ 記住影多d靚相呀！
回覆刪除我想知行冰川d裝備係要自己準備定係可以租？要點樣報名?thank you!
回覆刪除裝備要自己帶的，例如行山杖，風褸等。
刪除報名可在網上報名，但我地係在前一天才透過電話報名，因為可視乎當時的天氣而決定去唔去，有d彈性。