暴走瑞士12天體驗之旅の第六天

Brig --> Glacier Express 冰河快車 --> St. Moritz

尋晚睡得不好，因為外面刮大風！無覺好訓！

離開Brig之前，影一影我地整個行程中房間最大的酒店先。

這是偏廳啊!雖然好大，但價錢不是最貴，交通也尚算方便啊!很近火車站的。

原先想在冰河快車吃午餐，但訂來訂去也訂不到，所以上車前到另一間瑞士超市--Migros，買定午餐在火車吃。

我地又買沙津，超市D沙律都幾好吃。

終於搵到網友所講的燒雞，係網友十分推介的！我地的午餐終於有肉吃。半隻只是約5元法郎。

離開酒店，影影大門先，這間叫Hotel Ambassador，都唔錯架。

我地準備坐冰河快車去St. Moritz。所謂"快車"，其實係假的，應該係全世界最慢的火車之旅，由Brig去St. Moritz要成6個鐘，超慢！

我地要係香港比成500幾蚊訂位，因為車廂真的爆滿。

沿途的景色亦是非常優美。不過若是攝影發燒友，我建議唔好坐冰河快車，點解﹖

因為呢架車的窗係開唔到，要影相就要好似我咁，先唔會反光。但最後D相都唔係太靚。

因為鄰坐的歐洲人實在太麻煩.....，一段路後我老公又發現有一卡車廂竟是無人坐，我地就私自移位。哇!罕見地無人坐的冰河快車，快影。

其實坐冰河快車只是想體驗下這架所謂全世界最受歡迎的觀光火車，但最後我給網友的一些建議係--可以唔駛浪費時間同金錢搭這架車囉，因為其他普通的列車也經呢條線，沿途的風景一樣。車窗可打開影相之餘，仲無咁焗添。

到了St.Moritz，先找我地今晚要住的酒店，就在火車站隔離。房間尚算寬敞，仲有個露台可以看到湖景添(預訂時要指定，貴D)。

這個湖好靚架，這邊係針葉林的景色，另一邊湖邊的城巿建築物的景色。

好，放低行李去醫肚，入城找餐廳吃晚餐。沿途經過一條名店街，但可能太晚的關係(其實都只係6點半)，大部份店舖都已經關門，人流十分稀少。

我地搵到一間同我個名相似的餐廳吃飯，裡面裝修好特別架。最有趣係，見到一班客人帶著狗仔入來食飯，餐廳主人立刻攞水兜給狗兒飲水，連狗仔也歡迎備至。

以下係我地豐富的晚餐，濃湯一大碟。

Creamy意粉，啱我口味!

清淡香草長通粉，我老公好鍾意喎。

離開餐廳後，沿途又見到聖班納犬的公仔，好想買啊!可惜店舖關了門！

由於St. Moritz係冰河快車的終站，所以火車站停了很多快車，遠睇都幾型。

今晚早D回酒店，計劃明天的行程。其實我對St. Moritz的行程真的毫無頭緒，因為很少人來瑞士的東面玩，所以連旅遊局比我的資料亦很少，要到這裏才決定去那裡玩。