暴走瑞士12天體驗之旅の第八天

Diavolezza --> Sils Maria --> Fex Valley --> St. Moritz --> St. Gallen

實在太累了，所以看不到日出，只影到女魔峰早晨的景緻，都唔錯呀!

山上的酒店設備也不錯啊!我地尋晚不知幾好訓！

好，食過早餐，離開Diavolezza，一早坐纜車落山往Sils Maria去。

要坐郵政巴士往這個小鎮(其實都係估下估下，都唔知響邊處落車添！)，落車後行左10分鐘，竟然俾我地搵到Lake of Sils，好靚！

我好鍾意呢張相的意境，好浪漫呀！兩個人加一隻狗行湖邊！正

坐在湖邊欣賞美麗的湖景，又一張post card。

這日的天好靚，湖中可以見到山的倒影。

另一邊又係我好喜歡的大草地。

老公有5分鐘的時間扮作一個人的旅程。傻豬！

山+湖+草地=Perfect

行左個幾鐘，正想離開Sils Maria之際，我突然想去一個地方.........

坐馬車入一個無車到的世外桃園---Fex Valley。

除了當地人外，政府為了保護這個地方，規定唔可以有任何車輛到達，要入去就只有三個方法﹕行、踏單車及坐馬車。

因為行冰川元氣大傷，加上想節省時間，我地決定比多少少錢坐馬車入去。

沿途景色好優美，小鎮與世無爭。

真係靚到呢！我老公影左好多video！

一共有三架馬車一齊入去，剩係得我地兩個香港人。

除遊人外，這裏真的好少人住。

喜歡大自然的人，入來住一年半載，會唔會悶呢﹖

村中的教堂。

我地在一個中途站落車，歇息一下。

坐在草地上欣賞河谷的美景，享受我地的午餐，一樂也

又一張post card。我老公仲響呢處拍下人生中第一個 music video 添！

加油！瑞士人好鍾意以單車代步，所以好多火車都有一卡預留放單車的。

我建議網友如果有時間及體力，可以由Sils Maria行入來Fex，我想來回只是2個鐘左右。又或者坐馬車入來，行返出去囉。

我地坐這架馬車出番去，坐郵政巴士回St. Moritz。

這天St. Moritz的天氣好靚，影出一美麗的湖景。

我地沿湖邊返酒店攞行李。

我同老公都好鍾意這地方，真係有D唔捨得。

好了，要到下一站了！坐近3個鐘頭火車去St. Gallen。

我地坐冰河快車時也經過這段路，個個都好緊張咁要影呢條100年歷史的蘭德瓦瑟高架橋(Landwasserviadukt)，在歐洲好出名的。可惜這條大橋剛巧在今年維修，要用紅布包著。我地坐這段火車，個窗係可以開的，所以老公可以影相啦，佢話我地咁啱影到維修緊的大橋，先珍貴喎。

去到St. Gallen已好晏，又要拉行李上Youth Hostel，好累，快快找餐廳吃晚飯先。

這間餐廳是一家人開的，爸爸媽媽也唔識講英文，叫讀緊書的女兒用簡單的英文招待我地，好有家的感覺。

返Youth Hostel，只有一碌架床，這晚我地要一齊迫埋係下格床睡。累死！